18:02 19 սեպտեմբերի 2018
Ուղիղ եթեր
  • USD483.62
  • GBP637.31
  • EUR565.59
  • RUB7.22
Նիկոլ Փաշինյանը` Հանրապետության հրապարակում միտինգից առաջ (29 ապրիլի 2018թ.)

Երեքը և Փաշինյանը․ Time-ը Հայաստանի վարչապետին անվանել է ժողովրդավարության խաչակիր

© Sputnik / Asatur Yesayants
Աշխարհ
Ստանալ կարճ հղումը
84511

Հայաստանի վարչապետ Նիկոլ Փաշինյանն աշխարհում ժողովրդավարության չորս խաչակիրներից է, պնդում է Time ազդեցիկ ամսագիրը։ Մյուս երեք խաչակիրները կանայք են։

ԵՐԵՎԱՆ, 12 հուլիսի — Sputnik. Ամերիկյան Time ազդեցիկ ամսագիրը հինգշաբթի հոդված է հրապարակել՝ «Չորս խաչակիրներ, որոնք վառ են պահում ժողովրդավարության մասին երազանքը» վերտառությամբ։ Հոդվածում նշվում է, որ առաջին խաչակիրը Նիկոլ Փաշինյանն է։ Ամենայն հավանականությամբ, վարչապետը մեկնաբանություն է տվել թերթին, որն ընկել է դրա հիմքում։

«Իմ ժողովրդի սերը ստիպել է ինձ դուրս գալ խորհրդարանական խմբակցության առաջնորդի հարմարավետ գրասենյակից և 20 գիշեր անցկացնել անտառներում, փողոցներում, վրանի մեջ՝ բողոքելով Սերժ Սարգսյանի կառավարության դեմ», — մեջբերում է Time-ը Փաշինյանի խոսքերը։ Վարչապետը խոստովանել է, որ նա անձնական դրդապատճառներ չի ունեցել։

«Այն ամենը, ինչ ուզում էի, իմ հայրենիքի ու ժողովրդի ազատությունն ու երջանկությունն էին, եթե հարյուր հազարավոր մարդիկ դուրս գային փողոց, իսկ իշխանությունը չփոխվեր, ես կհեռանայի քաղաքականությունից», — ասել է Փաշինյանը։ Բացի այդ, նա հիշեցրել է, որ առաջին օրվանից շարժումը հայտարարել է այն մասին, որ բռնություն չի գործադրի ինչ-որ մեկի հանդեպ, եթե անգամ անձամբ բախվի դաժանության։

«Ես ամբիոնից ասում էի՝ մենք կառաջնորդվենք աստվածաշնչյան պատվիրանով․ եթե ինչ-որ մեկը հարվածի այտիդ, ապա ձախն էլ դեմ տուր։ Մենք գիտեինք, որ երբեք չենք զիջի», — ասել է նա։

Փաշինյանն իշխանության անցնելն այսպես է բացատրել․ ժողովուրդը հաղթել է, իսկ ես պատիվ ունեցա համոզվելու, որ ժողովրդի հաղթանակը կայացել է։

«Ես համոզված եմ, որ մենք առաջ կգնանք ժողովրդավարություն կառուցելու, կոռուպցիայի դեմ պայքարելու, անկախ դատական համակարգ ստեղծելու և օրենքի գերակայությունն ամրագրելու ճանապարհին՝ պաշտպանելով մարդու իրավունքները և տնտեսական մրցակցությունը։ Մեզ համար ժողովրդավարությունը տարածաշրջանային շահերի կամ արտաքին քաղաքական կողմնորոշման բաղադրիչ չէ, այլ արժեքների ու համոզմունքների արտացոլում։ Ես հավատում եմ, որ Հայաստանը կդառնա աշխարհի հզորագույն ժողովրդավարական երկրներից մեկը», — ասել է նա։

Մյուս երեք խաչակիրներն են Տոգոյում նախագահի դեմ պայքարող ակտիվիստ, բլոգեր Ֆարդիա Նաբուրեման, Նոբելյան մրցանակակիր, Արաբական գարնան թունիսցի ակտիվիստ Ուիդիդ Բուշամաուին և Նիկարագուայում բռնապետություն դեմ պայքարող Էնրիֆ Մարտինեսը:

Ըստ թեմայի

Հայ ժողովրդի արտագաղթի հազարամյա անիվն ի վերջո պետք է կանգ առնի և ետ պտտվի. Նիկոլ Փաշինյան
Քիմ Քարդաշյան VS Նիկոլ Փաշինյան. ո՞վ է աշխարհում ավելի լավ գովազդում Հայաստանը
«Մենք պետք է անպայման պաշտպանենք ՓՄՁ շահերը, աշխատավոր մարդկանց շահերը». Նիկոլ Փաշինյան
«Պետք է ցանկացած պահի պատրաստ լինենք պատերազմի վերսկսմանը». Նիկոլ Փաշինյան
«Բոլորին, հատկապես մեր հայրենակիցներին հրավիրում ենք ներդրումներ անելու». Նիկոլ Փաշինյան
թեգերը:
Նիկոլ Փաշինյան, Ամերիկայի Միացյալ Նահանգներ, Հայաստան

Գլխավոր թեմաներ