13:27 19 հունվարի 2021
Ուղիղ եթեր
  • USD522.19
  • GBP706.58
  • EUR629.92
  • RUB7.03
Աշխարհ
Ստանալ կարճ հղումը
26540

Հայտնի բլոգերը հոդված է գրել Ուրուգվայի հայերի և տեղի մշակույթի վրա նրանց ազդեցության մասին։

ԵՐԵՎԱՆ, 22 հուլիսի — Sputnik. Հայտնի իսրայելցի բլոգեր Ալեքսանդր Լապշինը Ուրուգվայում այցելել է «Հնչակյան» կուսակցության շտաբ։ Այդ մասին նա գրել է իր «Փոքր Հայաստանը էկզոտիկ Ուրուգվայում» հոդվածում։

«Ուրուգվայում նորաձև թաղամաս եմ գտել՝ Armenia անունով, որտեղ հիմնականում ապրում են ուրուգվայահայեր, գրել է ճանապարհորդը։ Եվ հիմա Մոնտեվիդեոյում բնակվում են այդ կուսակցության մի քանի հարյուր ակտիվիստներ։

Կուսակցության շտաբը հին առանձնատուն է, որն ինքնին ճարտարապետական հուշարձան է։ Հիշեցնում է թանգարան, որտեղ կյանքը կանգ է առել տասնամյակներ առաջ», — գրել է նա։

Բլոգերը հիշեցրել է, որ հենց Ուրուգվայն է առաջինը ճանաչել Հայոց ցեղասպանությունը, և բանը հայամետ տրամադրվածության մեջ չէ, այլ մարդու իրավունքների խախտումներին հակազդելու Մոնտեվիդեոյի մտադրության։ Լապշինը կարծում է, որ Ուրուգվայում հայերը, չնայած ոչ մեծ թվին (20 հազար մարդ), զգալի ազդեցություն ունեն երկրի քաղաքական և հասարակական կյանքի վրա։

«Հետաքրքիր մարդիկ՝ ստեղծագործական, ուրախ, ակտիվ։ Նրանք հիանալի հասկանում են, որ «Հնչակյանի» վերելքն անցյալում է, և այն ոչ մի քաղաքական հավակնություն չունեն։ Նրանք ուղղակի պահպանում են հետաքրքիր մշակութային և պատմական ժառանգությունը», — գրել է նա։

Բլոգերը տեղեկացրել է նաև հարևան Արգենտինայի հետ կապված իր հաջորդ հոդվածի մասին, որտեղ ապրում է մեծաքանակ հայ համայնք՝ ավելի քան 200 000 մարդ։

  • Հայկական խաչքար Մոնտեվիդեոյում
    Հայկական խաչքար Մոնտեվիդեոյում
    © Photo : Alexander Lapshin
  • Հայոց ցեղասպանության հուշակոթող Մոնտեվիդեոյում
    Հայոց ցեղասպանության հուշակոթող Մոնտեվիդեոյում
    © Photo : Alexander Lapshin
  • Հայկական խաչքար Մոնտեվիդեոյում
    Հայկական խաչքար Մոնտեվիդեոյում
    © Photo : Alexander Lapshin
  • «Շաուրմա Աշոտի մոտ» հայկական սննդի կետ Մոնտեվիդեոյում
    «Շաուրմա Աշոտի մոտ» հայկական սննդի կետ Մոնտեվիդեոյում
    © Photo : Alexander Lapshin
  • Հայկական թաղամաս Մոնտեվիդեոյում
    Հայկական թաղամաս Մոնտեվիդեոյում
    © Photo : Alexander Lapshin
  • Հայկական թաղամաս Մոնտեվիդեոյում
    Հայկական թաղամաս Մոնտեվիդեոյում
    © Photo : Alexander Lapshin
1 / 6
© Photo : Alexander Lapshin
Հայկական խաչքար Մոնտեվիդեոյում

Հիշեցնենք, որ 2016 թվականի վերջին Լապշինը Մինսկում ձերբակալվել էր Ադրբեջանի հարցման համաձայն, որը նրան «սև ցուցակի» մեջ էր ընդգրկել առանց Բաքվի համաձայնության Արցախի Հանրապետություն այցելելու պատճառով: Բելառուսի գլխավոր դատախազությունը որոշում էր ընդունել Ադրբեջանի հարցումը բավարարելու և Լապշինին հանձնելու մասին:

Ավելի ուշ Ադրբեջանի նախագահը ներում էր շնորհել բլոգերին, և նա ազատ էր արձակվել, որից հետո բլոգերը պատմել էր, որ նրան ծեծի են ենթարկել, սակայն դա հանրությանը ներկայացվել է որպես ինքնասպանության փորձ, որպեսզի հետո այդ միջադեպն օգտագործվի որպես «ներման ձևական պատճառ»։

Ըստ թեմայի

Հայ–հրեական ֆուտբոլ. ինչպես Լապշինի համար վճարեցին հայ աղջիկները
«Հայ լրտեսին անզգայացում չի հասնում». Լապշինի ադրբեջանական «արկածները»
Ախոյան. «Լապշինի ճակատագիրը թուրք գործիչներին չի սպառնում»
Լապշինի հետքերով. Ռուսաստանցի բլոգերը անցնում է Ադրբեջանի «սև ցուցակ»
թեգերը:
Ալեքսանդր Լապշին

Գլխավոր թեմաներ