22:55 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Արքայադուստրն ու իր ընտրյալը

Ճապոնացի արքայադուստր գեղեցկուհի Այակոն հասարակ տղամարդու հետ է ամուսնանում

© AFP 2018 / Koji Sasahara
Աշխարհ
Ստանալ կարճ հղումը
12110

Այակոն գահի հերթում առաջինը չէր, այնպես որ նրա զոհաբերությունն այդքան մեծ չէ։ Սերն ավելի կարևոր է։

ԵՐԵՎԱՆ, 12 օգոստոսի — Sputnik. Ճապոնիայում կայացավ Այակո արքայադստեր (Ճապոնիայի կայսր Ակիխիտոյի զարմուհին) ու նրա ընտրյալ Կեյ Մորիայի նշանադրությունը։  «Նոսայ նո գի» արարողության կադրերը հեռարձակում էր NHK հեռուստաալիքը։

Կիրակի առավոտյան փեսայի բարեկամը եկավ արքայադստեր ու նրա մոր՝ Տակամադոյի նստավայր ու փոխանցեց հարսնացուին նրա առաջիկա հարսանիքի նվերների ցանկը։ Նաև սակե ու մի կտոր մետաքս է փոխանցվել, որից կարվելու է արքայադուստր Այակոյի հարսանյաց զգեստը։ Դրանից հետո Այակո արքայադուստրն ու նրա մայրը այցելեցին Ակախիտո կայսրի ու Միտիկո կայսրուհու նստավայր ու հայտնեցին նշանադրության մասին։

Արքայադուստրը 27 տարեկան է, նա Ճապոնիայի Ակախիտո կայսրի զարմուհին է։ Նրա սիրեցյալ Կեյ Մորիան 32 տարեկան է, նավագնացային ընկերությունում է աշխատում։ Այլ կերպ ասած, նա ավելի ցածր կարգավիճակ ունի ու կայսրերի տոհմի հետ կապ չունի։

Ճապոնական օրենքներով՝ եթե կայսերական տոհմի ներկայացուցիչները սովորական մարդկանց հետ են ամուսնանում, նրանք այլևս թագավորի գահը զբաղեցնելու իրավունք չունեն, այդ պատճառով Այակոն պետք է հրաժարվի հավակնություններից։ Ճիշտ է, նա առաջինը չի այդ հերթում, այնպես որ հանուն սիրո այդ զոհաբերությունն այդքան էլ մեծ չէ։

Հարսանեկան արարողությունը կկայանա հոկտեմբերի 29-ին Տոկիոյի տաճարներից մեկում։

Այսպիսով, հոկտեմբերի վերջից աշխարհի ամենահին չընդհատվող կայսերական տան տոհմը մեկ մարդով կկրճատվի ու կդառնա 18 հոգի։

Այս պահին կայսերական ընտանիքի անդամների մեծ մասը կանայք են՝ 14 կին։

Ըստ թեմայի

Արքայադուստրը Հայաստանում. Թաիլանդի նախկին թագավորի դուստրը 2 ժամ անցկացրեց Մատենադարանում
Հորդանանի արքայադուստրը հայկական ասացվածք մեջբերեց
Հորդանանի արքայադուստրը հիացավ Գառնու տաճարով ու Գեղարդի վանքով
Հորդանանի արքայադուստրը` ԵՊԲՀ պատվավոր դոկտոր
Հորդանանի արքայադուստրը «սիրտ» տվեց հայ մանուկներին. նա անցել է այդ ճանապարհը

Գլխավոր թեմաներ