08:54 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Դոնալդ Թրամփ, Ռեջեփ Թայիփ Էրդողան

Վաշինգտոնը կարող է ամբողջությամբ «կորցնել» Թուրքիային. Էրդողանի ներկայացուցիչ

© REUTERS / Joshua Roberts
Աշխարհ
Ստանալ կարճ հղումը
147 0 0

Թուրքիան և թուրք հասարակությունը դեմ է հանդես գալիս ամերիկյան քաղաքականությանը` հաշվի չառնելով անվտանգության վերաբերյալ հիմնավորված մտավախությունները։

ԵՐԵՎԱՆ, 13 օգոստոսի — Sputnik. ԱՄՆ–ն կարող է կորցնել Թուրքիային, գրված է Թուրքիայի նախագահի մամուլի քարտուղար Իբրահիմ Քալինի հոդվածում։ Հոդվածը հրապարակվել է Daily Sabah թերթում։

Քալինի խոսքով` 2016 թվականի հուլիսին տեղի ունեցած հեղաշրջման փորձից հետո, մի շարք միջազգային փորձագետներ թուրքական պետության և տնտեսության փլուզում էին կանխատեսում։ Սակայն Թուրքիան դուրս եկավ այդ անդունդից, էլ ավելի ուժեղ է և առաջ գնում քաղաքական կայունության և տնտեսական զարգացման ճանապարհով, փոխանցում է TRT–ն։

Նա կարծում է, որ այդ իրադարձություններից երկու տարի անց պաստորի պատճառով Թուրքիայի վարչակազմի հետ տեղի ունեցած ճգնաժամը (Վաշինգտոնը պատժամիջոցներ էր կիրառել երկու թուրք չինովնիկների նկատմամբ` Անկարայի կողմից լրտեսության և ահաբեկչության մեջ մեղադրվող ամերիկացի պաստոր Էնդրյու Բրանսոնին չազատելու համար), ինչպես նաև արժութային շուկայում առկա իրավիճակը չեն ազդի Թուրքիայի վճռականության վրա։

Ինչ վերաբերում է դոլարի նկատմամբ թուրքական լիրայի կտրուկ արժեզրկմանը, ապա Անկարայում համոզված են, որ կարող են պայքարել այդ դժվարության դեմ։

«Այդ հարցն ավելին է, քան արժույթների փոխարժեքի պատերազմը։ Ահաբեկչության մեջ մեղադրվող և տնային կալանքի տակ գտնվող պաստոր Բրանսոնի պատճառով Թրամփի ղեկավարության կողմից` Թուրքիայի երկու նախարարների նկատմամբ պատժամիջոցներ կիրառելու որոշումը հանգեցրեց թուրք–ամերիկյան հարաբերությունների կտրուկ վատացման։ Դիվանագիտական ալիքներով խնդիրը լուծելու թուրքական կողմի փորձերը, նրա բարի մտադրությունները և արդյունքի հասնելու ձգտումը մի կողմ էին հրվել Թրամփի վարչակազմի գաղափարախոսական դիրքորոշման և անզիջում վերաբերմունքի պատճառով», – գրում է չինովնիկը։

Նրա խոսքով` Թուրքիան և թուրք հասարակությունը դեմ է ամերիկյան քաղաքականությանը և հաշվի չի առնում անվտանգության հիմնավորված մտավախությունները։ Թուրքիայի հասցեին հնչած սպառնալիքները, պատժամիջոցները և կոպտությունը արդյունք չեն տա։ Այդ ամենը միայն կուժեղացնի Թուրքիայի վճռականությունն ու կմեկուսացնի ԱՄՆ–ին, ինչպես Թուրքիայից, այնպես էլ միջազգային հանրությունից։

«Մինչ այս պահը Թրամփի ղեկավարությունը լուրջ տարաձայնություններ է ունեցել Կանադայի, Մեքսիկայի, Կուբայի, Չինաստանի, Ռուսաստանի, ՆԱՏՕ–ի, Գերմանիայի և մի շարք այլ երկրների հետ, հիմնականում ներքին օրակարգի պատճառով։ Այդ ամենը վնասել է ԱՄՆ–ի համբավին որպես հուսալի բարեկամ և գործընկեր։ Ճիշտ նույն կերպ է դա ընկալվում նաև Թուրքիայում», – նշում է Կալինը։

Հիշեցնենք, որ ԱՄՆ–ն պատժամիջոցներ է կիրառել Թուրքիայի արդարադատության նախարարության և ՆԳՆ ղեկավարների նկատմամբ` ամերիկացի պաստոր Էնդրյու Բրանսոնին կալանավորելու պատճառով։ Ավելին` ԱՄՆ նախագահ Դոնալդ Թրամփը հավանություն է տվել Թուրքիայից ներկրվող ալյումինի և պողպատի մաքսային տուրքերի ավելացմանը, որպեսզի դրանք համապատասխանաբար 20 և 50 տոկոս կազմեն։

Ըստ թեմայի

Իշխանափոխությունից հետո Թուրքիան Հայաստանի սահմանն է ստուգում
Թուրքիան պատրաստ չէ առանց նախապայմանների սահմանը բացել. ՀՀ ԱԳՆ
Թուրքիան պետք է որոշում ընդունի, մեր կողմից սահմանը բաց է. Փաշինյան
Realpolitik–ը հաղթանակել է. Թուրքիան ամեն դեպքում ստացավ F-35 կործանիչները
Ո՞վ առաջինը կստանա ռուսական նոր կործանիչները. Հայաստա՞նը, Ադրբեջա՞նը, թե՞ Թուրքիան
թեգերը:
Դոնալդ Թրամփ, Ռեջեփ Թայիփ Էրդողան, Ամերիկայի Միացյալ Նահանգներ, Թուրքիա

Գլխավոր թեմաներ