ԵՐԵՎԱՆ, 30 սեպտեմբերի –Sputnik. Ամերիկացի թենիսիստուհի Սերենա Ուիլյամսը մասնակցել է կրծքի քաղցկեղի դեմ ուղղված «I Touch Myself» պայքարի նախագծին։ Այս մասին նա հայտնել է Instagram–ի իր էջում։
Գրառման տակ 37-ամյա Սերենան հիշեցրել է պարբերաբար բուժզննում անցնելու անհրաժեշտության և կրծքի քաղցկեղի առաջացման վտանգի մասին։
«Ես արել եմ սա, որովհետև այս խնդիրը վերաբերում է աշխարհի բոլոր կանանց։ Եթե հիվանդությունը հնարավոր լինի հայտնաբերել սկզբնական փուլում, ապա կյանքը փրկելու հավանականությունը կաճի։ Հուսով եմ, որ այս ակցիան կօգնի հիշեցնել կանանց այդ մասին», – գրել է ամերիկահայ միլիոնատեր Ալեքսիս Օհանյանի կինը։
Բայց Սերենան խոստովանել է, որ իրեն դուր չի եկել մերկ նկարահանվելը։ 1.5 րոպեանոց տեսահոլովակում նա կատարում է Divinyls ավստրալիական ռոք խմբի «I Touch Myself» երգը։
