14:35 18 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Harrods հանրախանութը Լոնդոնում

Ադրբեջանցի բանկիրի կինը միլիոններ է ծախսել Լոնդոնում. նրանով հետաքրքրված է NCA-ը

© Sputnik / Алекс Макнотон
Աշխարհ
Ստանալ կարճ հղումը
17130

Ադրբեջանի Միջազգային բանկի նախկին նախագահի կինը՝ Զամիրա Հաջիևան, «Հարոդս» հանրախանութում ծախսել է մոտավորապես 16 միլիոն ֆունտ:

ԵՐԵՎԱՆ, 11 հոկտեմբերի – Sputnik.  Մեծ Բրիտանիայի հանցավորության դեմ պայքարի ազգային գործակալությունը (NCA) առաջին անգամ պահանջել է բացահայտել այլ պետության քաղաքացու հարստության աղբյուրը, հաղորդում են բրիտանական ԶԼՄ-ները:

Խոսքը Ադրբեջանի Միջազգային բանկի նախկին ղեկավարի կնոջ՝ Զամիրա Հաջիևայի մասին է, որը, համաձայն դատական փաստաթղթերի, շքեղ կյանք է վարել՝ միայն «Հարոդս» հանրախանութում ծախսելով մոտավորապես 16 միլիոն ֆունտ, ինչպես նաև ձեռք է բերել ավելի քան 20 միլիոն ֆունտ արժողությամբ անշարժ գույք:

Նրա անունը հանրությանը հայտնի դարձավ այն բանից հետո, երբ լրացավ լրատվամիջոցների համար այդ տեղեկատվությունը չհրապարակելու դատական արգելքի ժամկետը: Լրագրողները պնդում էին, որ այդ տվյալները, հասարակության շահերից ելնելով, պետք է բացահայտվեն:

Բրիտանիայի իշխանություններն ավելի վաղ իրավունք էին ստացել հարցումներ ուղարկել 50 հազար ֆունտ և ավելի արժողությամբ ակտիվների սեփականատերերին չպարզված ծագմամբ ունեցվածքի վերաբերյալ: Խոսքը, նախ և առաջ, հանցագործությունների կատարման մեջ կասկածվողների, ինչպես նաև եվրոպական տնտեսական գոտու մեջ չմտնող պետություններից ազդեցիկ քաղաքական դեմքերի մասին է:

Հաջիևայի գործով դատական լսումները Լոնդոնի Բարձր դատարանում սկսել են հուլիսին:

Նրանից պահանջել են պարզաբանումներ անշարժ գույքի երկու օբյեկտների՝ լոնդոնյան հեղինակավոր Նայթսբրիջ շրջանում 11.5 մլն ֆունտ սթերլինգ արժողությամբ տան, ինչպես նաև Ասքոթ քաղաքի մոտ 10.5 մլն ֆունտով ձեռք բերված հողատարածքի մասին: Եթե Հաջիևան չկարողանա բացատրել՝ ինչ ծագում ունեն անշարժ գույք և հողատարածք գնելու համար ծախսված գումարները, նրա ունեցվածքը կարող է բռնագրավվել:

Ըստ թեմայի

Ֆրանսիական նավերն ու Ադրբեջանը. ի՞նչ պատահեց Մակրոնի այցի հետ
Շարմազանովը Թուրքիայում պատասխանել է ադրբեջանցի պաշտոնյանի Արցախի մասին ելույթին
«Սլովակիայի կողմից Ադրբեջանին զենք վաճառելու փաստը մտահոգիչ է և անընդունելի». Շարմազանով
Արմեն Ղազարյանն Ադրբեջանի պատվիրակին մեղադրել է ՄԱԿ–ի հարթակը քաղաքականացնելու մեջ

Գլխավոր թեմաներ