ԵՐԵՎԱՆ, 18 հոկտեմբերի — Sputnik. Կերչի քոլեջում կրակոցների ու պայթյունի հետևանքով զոհվածների թիվը հասել է 20-ի։ Այս մասին հայտնում է ՌԻԱ Նովոստին` հղում անելով Կերչի վարչակազմի ղեկավարի տեղակալ Դիլյավեր Մելգազիեևին։
Նշենք, որ մահացածներից 15-ն ուսանողներ են, 6-ը` անչափահաս։ Մնացած 5-ը քոլեջի աշխատակիցներ են։
Mash տելեգրամ-ալիքը հրապարակել է մահացածների անունները։
1. Կերովա Ալինա, 28.05.2002
2. Պերեպյոլկին Եգոր, 04.09.1999
3. Վերդիբոժենկո Վլադ, 23.08.2003
4. Անհայտ աղջիկ
5. Ջուրաև Ռուդեն, 21.11.2001
6. Ստեպանենկո Սերյոժա, 30.08.2003
7. Կարիմով Ռոմա, 16.09.1997
8. Ուստենկո Լյուդմիլա, 15.10.1953
9. Լիսենկո Ռուսլան, 03.11.2000
10. Ժուրավլյովա Անյա, 27.12.1998
11. Լազարև Վլադ, 06.09.1999
12. Ֆլորենսկի Նիկիտա, 26.06.2002
13. Լավրենովիչ Լյոշա, 12.09.1999
14. Ռուսլյակով Վադիմ
15. Պիպենկո Դանիիլ, 29.08.2002
16. Չեգերեստ Դաշա, 15.10.2002
17. Մոիսեենկո Սաշա
18. Կուդրյավցևա Լարիսա, 1956
19. Բակլանովա Նաստյա, 01.11. 1991
20. Բակլանովա Սվետլանա, 12.07.1961
Նշենք` երեկ Կերչի քոլեջում ինքնաշեն ռումբ է պայթել։ Միջադեպի փաստով սկզբում ահաբեկչության մասին էին քրեական գործ հարուցել, բայց ավելի ուշ պարզվել էր, որ քոլեջի ուսանողն է հրաձգություն սկսել ուսումնական հաստատությունում։ Քրեական գործը վերաորակավորվել է երկուսից ավելի անձանց սպանության հոդվածով։
Հարձակման հետևանքով մահացել են 20 մարդ։ Քննչական կոմիտեում նշել են, որ բոլորը մահացել են հրազենային վնասվածքներից։
Մի քանի տասնյակ մարդիկ են տուժել, 37-ին հիվանդանոց են տեղափոխել։ Մի քանիսը ծայրահեղ ծանր վիճակում են։
Պարզվել է, որ հրաձգություն սկսած տղան 2015 թվականի սեպտեմբերի մեկին է հաշվառվել քոլեջում` «Արդյունաբերական ու քաղաքացիական շենքերի էլեկտրոնային սարքավորումների մոնտաժ, կարգավորում ու շահագործում» մասնագիտացմամբ։
Նա անվճար էր սովորում ու կրթաթոշակ էր ստանում։ Նախկինում երբեք ագրեսիա չէր դրսևորել ու ոստիկանության տեսադաշտում չէր հայտնվել։
Մեկ ամիս առաջ նա զենք պահելու իրավունք էր ստացել։ Զենքի արտոնագիրը վկայում է, մասնավորապես, որ տղան բժշկական ստուգումներ է անցել, այդ թվում` հոգեբույժի մոտ։