ԵՐԵՎԱՆ, 24 հոկտեմբերի — Sputnik. Իտալիայում Ռուսաստանի դեսպանատունը ճշտել է Հռոմի Repubblica մետրոյի կայարանի շարժասանդուղքի խափանման հետևանքով տուժածների թիվը, հայտնում է ՌԻԱ Նովոստին։
Վերջին տվյալների համաձայն` հոսպիտալացվել են ՌԴ 15 քաղաքացի։ Նրանք այժմ քաղաքի 6 հիվանդանոցներում են, երեքը ծանր վիճակում են։
Հռոմում մետրոյի շարժասանդուղքի փլուզումից տուժածների թիվն ավելանում է
Հոկտեմբերի 23-ի երեկոյան Հռոմի կենտրոնում քանդվել է մետրոյի կայարանի շարժասանդուղքը: Միջադեպի հետևանքով մի քանի տասնյակ մարդիկ են տուժել: Տուժածների մեծ մասը Ռուսաստանի ԲԿՄԱ-ի երկրպագուներն են, որոնք այդ պահին եղել են կայարանում:
Mash-ը Twitter-ի իր էջում հրապարակել է այդ տեսանյութը։
В римском метро ад.
— Breaking Mash (@BreakingMash) 23 октября 2018 г.
Там сломался эскалатор, в это время на нем ехали фанаты ЦСКА (они на выездном матче). Выглядит чудовищно. pic.twitter.com/IgvN17YdAO
Ականատեսներից մեկի նկարած կադրերում երևում է, թե ինչպես է շարքից դուրս գալիս մեխանիզմը, շարժասանդուղքն արագանում է, և մարդիկ սկսում են ընկնել միմյանց վրա, այնուհետև շարժասանդուղքը կտրուկ կանգնում է։
Հռոմի դատախազությունը քրեական գործ է հարուցել մետրոյում տեղի ունեցած միջադեպի փաստով։ Քաղաքային ծառայությունը ստուգումներ է անցկացնում մետրոյում։ Դեպքի վայր է մեկնել Հռոմի քաղաքապետ Վիրջինիա Ռաջին, որը խոստացել է պարզել շարժասանդուղքի խափանման պատճառները։