ԵՐԵՎԱՆ, 7 նոյեմբերի — Sputnik. Լոնդոնում ձերբակալել են Ադրբեջանի ինտերնացիոնալ բանկի նախկին ղեկավար Ջահանգիր Հաջիևի կնոջը` Զամիրա Հաջիևային, նրան մեղադրում են փողերի լվացման մեջ։ Այս մասին հայտնում են բրիտանական ԶԼՄ–ները։
#mcmafia #zamirahajiyeva #uwo #unexplainedwealthorder #london #16millionpoundsharrodspurchae #jahangirhajiyeva Fugitive wife of jailed banker living the high-life in London on Alleged stolen funds. Purchased 16 Million Pounds from Harrods 15 million pounds home in London pic.twitter.com/ycWycUcelE
— Stella DiMarco (@Stelladmarco) 3 ноября 2018 г.
Զամիրա Հաջիևայի հետ կապված հարցեր են ծագել այն ժամանակ, երբ նա Harrods ունիվերմագում մոտ 16 մլն ֆունտ է ծախսել և ավելի քան 20 մլն ֆունտով անշարժ գույք ձեռք բերել Բրիտանիայում։
Հանցագործության դեմ պայքարի ազգային գործակալությունը պահանջել է բացահայտել Զամիրա Հաջիևայի եկամտի աղբյուրները։ Նախկին բանկիրի կնոջից մոտ 400 հազար ֆունտ արժողությամբ ոսկյա իրեր և սառեցված ակտիվներ են առգրավվել։
Jewellery linked to £16m Harrods woman seized | Last month, the BBC won a legal battle to name Zamira Hajiyeva, from Azerbaijan, who has been ordered by the courts to explain how she could afford £22m worth of property in the UK. https://t.co/UN2TwdFxeg pic.twitter.com/YXrAZCt3ih
— Skallagrimson (@Skallagrimson) 2 ноября 2018 г.
Շրջանային ավագ դատավոր Էմմա Արբուտնոտը համաձայնել է 500 հազար ֆունտ գրավի դիմաց ազատ արձակել 55-ամյա Հաջիևային` թույլ տալով պատիժը կրել իր տանը` Նայթսբրիջում (շքեղ թաղամաս Լոնդոնում)։ Սակայն այդ որոշումը բողոքարկել է մեղադրող կողմը, և Հաջիևան ներկա պահին շարունակում է կալանքի տակ մնալ։ Այժմ քննարկվում է նրան Ադրբեջանին հանձնելու հարցը։
Նրա ամուսինը` Ջահանգիր Հաջիևը, երկար տարիներ ղեկավարել է Ադրբեջանի միջազգային բանկը։ 2016 թվականին նրան մեղադրել են խարդախության և զեղծարարության մեջ ու դատապարտել 15 տարվա ազատազրկման։ Դատարանը նաև պարտավորեցրել է, որ նա 39 մլն դոլար վճարի։
