ԵՐԵՎԱՆ, 14 նոյեմբերի — Sputnik. Չեչեն օլիգարխ Ումար Ջաբրայիլովի ազգականուհին Ռուսաստանի մայրաքաղաքում ճոխ հարսանիք է կազմակերպել։ Այս մասին հայտնում են ռուսական ԶԼՄ–ները։
22–ամյա Այնա Ջաբրայիլովայի ընտրյալը 26–ամյա Հայդար Շերիպովն է, որն ապրում է Մոսկվայում։ Հանդիսությունը տեղի է ունեցել նոյեմբերի 10–ին Մոսկվայի ռեստորաններից մեկում, հյուրերի թիվը հասել է 600–ի։
Հարսանիքը կազմակերպվել է չեչենական ավանդույթներով։ Հարսնացուն հայրենի տունը լքել է ցերեկը, փեսացուի ազգականները և ընկերները նրա հետևից եկել են 25 թանկարժեք ավտոմեքենաներով։
Посмотреть эту публикацию в InstagramДал барт цаь бойл шу Везачу Аллах1а ✨Милашка невеста 😘✨ в @safisa_art ✨
Աղջիկն ամբողջ օրը ոտքի վրա է մնացել և ընդունել շնորհավորանքները Զուհեյր Մուրադի և Էլի Սաաբի զգեստներով։ Դրանց ընդհանուր արժեքը մոտ 30 միլիոն ռուբլի է։ Հյուրերին զվարճացրել են արտիստները։
Փեսացուն հարսանիքին ներկա չի եղել։ Նա նշել է ընկերների հետ։ Ավանդույթի համաձայն` հանդիսությունները շարունակվելու են մի շաբաթ։
