10:39 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Եվգենյա Մեդվեդևա–Բաբասյան

Երկրպագուները «հարձակվել են» Եվգենյա Մեդվեդևա–Բաբասյանի վրա` Գրան պրիում պարտվելու համար

© Sputnik / Нина Зотина
Աշխարհ
Ստանալ կարճ հղումը
134 0 0

Ռուս գեղասահորդուհին ազատ ծրագրում երկու սխալ է թույլ տվել։

ԵՐԵՎԱՆ, 25 նոյեմբերի –Sputnik. Օլիմպիական խաղերի արծաթե մեդալակիր, աշխարհի կրկնակի չեմպիոն, ռուս գեղասահորդուհի Եվգենյա Մեդվեդևա–Բաբասյանը չորրորդ տեղը զբաղեցրեց Ֆրանսիայի Գրենոբլում անցկացվող Գրան պրի մրցաշարում։

Մարզիկն ազատ ծրագրում երկու սխալ թույլ տվեց։ Նա 125.26 միավոր վաստակեց, իսկ կարճ և ազատ ծրագրերի հանրագումարում նա ուներ 192.81 միավոր։ Այս արդյունքը թույլ չտվեց անցնել Գրան պրի մրցաշարի եզրափակիչ փուլ, որը կանցկացվի Վանկուվերում։

«Այն, ինչ տեղի ունեցավ ազատ ծրագրում... Հերթական անգամ չեմ ասի, որ դա ահավոր էր։ Դա բացառապես մտածողության խնդիր է։ Խոստովանում եմ սխալս, ես այն մարդը չեմ, որը չի ընդունում իր սխալները։ Խոստովանում եմ թուլությունս, այն գլխումս է», – ասել է Մեդվեդևան ելույթից հետո։

Միևնույն ժամանակ սոցցանցի օգտատերերն ու գեղասահորդուհու երկրպագուները շատ դժգոհ են և «հարձակվել են» աղջկա վրա նրա ձախողման պատճառով։

«Ամբողջությամբ ձախողեցիր։ Սա վերջն է։ Պետք չէր մարզչին փոխել», – գրում են օգտատերերը։

Նշենք, որ Գրենոբլում առաջին տեղը զբաղեցրեց ճապոնացի գեղասահորդուհի Ռիկա Կիհիրան (205,92)։ Երկրորդ տեղը` մեկ այլ ճապոնացի մարզիկ Մաի Միհարան (202,81), երրորդը` ամերիկուհի Բրեդի Թենելը (197,78)։

Հիշեցնենք նաև, որ Մեդվեդևան փոխել էր մարզչին և տեղափոխվել Կանադա, որտեղ մարզվում է Բրայան Օրսերի մոտ։

Ըստ թեմայի

Եվգենյա Մեդվեդևան ցույց է տվել` ինչպես է առավոտն անցկացնում Տորոնտոյում
Մրցաշար Կանադայում. ինչպե՞ս ելույթ ունեցավ Եվգենյա Մեդվեդևա–Բաբասյանը
Եվգենյա Մեդվեդևայի վատագույն ելույթը․ նա տապալվեց Կանադայում․ տեսանյութ
թեգերը:
Եվգենյա Մեդվեդևա–Բաբասյան, Ռուսաստան

Գլխավոր թեմաներ