ԵՐԵՎԱՆ, 26 նոյեմբերի — Sputnik. Անվտանգության խորհուրդն արգելափակել է Կերչի նեղուցի ճգնաժամի քննարկումը։ Այս մասին հայտնում է ՌԻԱ Նովոստին։
«Օրակարգի հաստատման դեմ յոթ անդամ է քվեարկել, կողմ` չորս, ձեռնպահ են մնացել չորսը, օրակարգը չի ընդունվել». – հայտնել է Չինաստանի ներկայացուցիչը, որը նոյեմբերին Անվտանգության խորհրդի նախագահն է։
Նոյեմբերի 25–ին ՌԴ պաշտոնական աղբյուրները հայտնել են, որ ուկրաինական երեք նավ խախտել էին Ռուսաստանի պետական սահմանը և ուղղություն վերցրել դեպի Կերչի նեղուց։ Դրանից հետո Ուկրաինան մեղադրել էր Ռուսաստանին` նավաքարշ շոգենավը խոյահարելու մեջ, ինչի պատճառով վնասվել էր նավի հիմնական շարժիչը, կողվածքն ու շերտավոր պատվարը։Ժամը 11:30–ին Բերդյանսկի նավահանգստից «Գյուրզա» դասի ևս երկու զրահապատ հրետանային նավեր շարժվեցին, սակայն ռուսական ռազմանավերն ու չորաբեռների նավերը փակեցին հասանելիությունը դեպի նեղուց։
Ղրիմի ղեկավար Սերգեյ Աքսյոնովը հայտարարել է, որ «Սև ծովում ուկրաինական նավերի սադրանքի հետևում կիևյան ռեժիմի արևմտյան տերերն են կանգնած»։
Միջադեպի ժամանակ թեթև վնասվածքներ են ստացել երեք զինվորական։ Նրանք բուժօգնություն են ցուցաբերել, կյանքին ոչինչ չի սպառնում։
Պետական սահմանի խախտման վերաբերյալ Ռուսաստանը քրեական գործ է հարուցել։
Ուկրաինայի Ազգային անվտանգության ու պաշտպանության խորհուրդը երկրում ռազմական դրություն է հայտարարել, բանակը և Ուկրաինայի անվտանգության ծառայությունը զինպատրաստության են բերվել։
