19:46 19 նոյեմբերի 2019
Ուղիղ եթեր
  • USD476.98
  • GBP617.88
  • EUR527.92
  • RUB7.49
Կոնյակ

Նոր հեռանկարներ կոնյակի համար և Իրանի հետ․ ԵԱՏՄ նախագահությունն անցել է Հայաստանին

CC0 / PDPhotos / Cognac
Աշխարհ
Ստանալ կարճ հղումը
Հայաստանի հեռանկարը ԵԱՏՄ–ում (125)
18810

2019 թվականին Եվրասիական տնտեսական միության մարմիններում նախագահությունը կանցնի Հայաստանին։ Իսկ ինչպիսի՞ն էր 2018 թվականը Միության երկրների համար ու ի՞նչ է պետք դեռ անել։

ԵՐԵՎԱՆ, 1 հունվարի — Sputnik. 2019 թվականին Եվրասիական միության երկրները կշարունակեն միության անդամ երկրների համար հեշտացնել ապրանքների ներմուծումը ու կմտածեն դրանք ավելի հեշտ այլ երկրներ արտահանելու մասին։ Իսկ ի՞նչ է արվել 2018 թվականին։

Կողմերը շարունակում են քննարկել ալկոհոլի ու ծխախոտի հարցում արգելքների վերացումը։ Մասնավորապես քննարկվում է`արդյոք պետք է ուժի մեջ թողնել ալկոհոլի ներմուծման ժամանակ արվող ապահովագրական վճարը։ Երաշխավորված այդ վճարումը հարկում են ալկոհոլը ներմուծելիս ու վերադարձնում են միայն վաճառքից հետո։ Այն հարկում են ԵԱՏՄ բոլոր երկրներում, բացի Հայաստանից։ Չեղարկման դեպքում ԵԱՏՄ երկրների բիզնեսը կարող է առանց լրացուցիչ ծախսերի ալկոհոլ ներմուծել։ Եթե կողմերը պայմանավորվեն չեղարկել այդ վճարումները, ապա հայկական կոնյակն էլ ավելի արագ կհասնի ռուս գնորդներին։

Եվրասիական տնտեսական միությունը պատրաստվում է ստեղծել միասնական թվային «շլյուզ»։ Դրա միջոցով հինգ հանրապետությունների հարկային ծառայությունները կկարողանան տեղեկություններ փոխանակել այն մասին՝ ով որ հանրապետությունում է ապրանք վաճառել ու դրանից ինչ հարկ է վճարել։ Այդ հարցում կարող է օգնել Հայաստանը․ մեզ մոտ արդեն մի քանի տարի է e-invoice հարկային փաստաթղթերի էլեկտրոնային համակարգ է գործում։

Բազում հացեր արդեն լուծվել են։ ԵԱՏՄ հանրապետությունները կճանաչեն միմյանց սանիտարական ծառայությունների եզրակացությունները։ Այսինքն` ղազախական դեղձերն ու հայկական խաղողը անվտանգության ազգային սերտիֆիկատներ կստանան։

Իսկ միջազգային համագործակցության հարցում Եվրասիական միությունը կարողացավ ամրապնդել այնպիսի «նուրբ գործը», ինչպիսին են բանակցություններն Իրանի հետ։ Ու նորից` Հայաստանի ակտիվ մասնակցությամբ, քանի որ Հայաստանն Իրանի հետ ցամաքային սահման ու առևտրի մեծ փորձ ունի։ Համաձայնագիրը կնքվել է 2018 թվականի մայիսին։

Ազատ տնտեսական գոտիների ստեղծման մասին բանակցություններ են սկսվել այնպիսի խոշոր ու կարևոր գործընկերների հետ, ինչպիսին են Հնդկաստանն ու Եգիպտոսը, բարեկամական Սիրիան, բարձր տեխնոլոգիական տնտեսություն ունեցող Իսրայելն ու Սինգապուրը։

Հայաստանն այս ամենին բուռն մասնակցություն է ունենալու։ Ինչպես արդեն բազմիցս ասել են Հայաստանի իշխանությունները (և՛ նախկին, և՛ ներկա)՝ 2019 թվականին Հայաստանը կշարունակի եվրասիական ինտեգրացիան։

թեմա:
Հայաստանի հեռանկարը ԵԱՏՄ–ում (125)

Ըստ թեմայի

ԵԱՏՄ–ում ավիացիոն պատահարների քննության մարմին կստեղծվի
Փաշինյանը Պուտինին հրավիրել է Հայաստան
ՌԴ նախագահը շնորհավորական նամակ է հղել ՀՀ նախագահին ու վարչապետի պաշտոնակատարին
թեգերը:
Եվրասիական Տնտեսական Միություն (ԵԱՏՄ), Հայաստան

Գլխավոր թեմաներ