14:48 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Ինքնաթիռ

Քամու ուժից լիցքավորվիչ ստեղծած սիրիահայը հայտնվել է կանադական ոգեշնչման ցուցակում

CC0 / lorozco0993 / Plane
Աշխարհ
Ստանալ կարճ հղումը
268 0 0

Սիրիահայը հայտնվել է «The Globe and Mail» կանադական պարբերականի «Քայլ առաջ» ցուցակում։ Երկրի բնակիչները և հյուրերը հիացած են Շուշի Բաքարյանի արիությամբ և նպատակասլացությամբ. աղջիկը Սիրիայում պաշարման մեջ է եղել։

ԵՐԵՎԱՆ, 12 հունվարի — Sputnik. Սիրիահայ Շուշի Բաքարյանը, որը ստեղծել է քամու ուժից լիցքավորվող կուտակիչ սարք փոքր ինքնաթիռների համար, մտել է «The Globe and Mail» կանադական պարբերականի ցուցակի մեջ։

Կայքը կազմել է «Քայլ առաջ» ցուցակը, որը կանադացիներին ծանոթացնում է ոգեշնչման նոր աղբյուրների հետ։ Այդ ցուցակի մեջ ընդգրկվել են գիտնականներ և հասարակական գործիչներ, որոնք իրենց օրինակով ոգեշնչում են կանադացիներին և երկրի հյուրերին։

Посмотреть эту публикацию в Instagram

Публикация от The Globe and Mail (@globeandmail)

Ցուցակում հայտնված սիրիահայ աղջիկը սովորում է Կոնկորդիայի համալսարանում։ Միաժամանակ հայուհին աշխատում է Մոնրեալի երկու ավիացիոն–ինժեներային ընկերություններում։ Շուշին ստեղծել է «The Ventus» հինգվոլտանի լիցքավորող սարքը` նախատեսված փոքր ինքնաթիռների համար։

21–ամյա գեղեցկուհու հայտնագործությունն աշխատում է քամու ուժից։ Այն էներգիա այդքան շատ չի արտադրվում, բայց փոխարենը դրանով կարելի է լիցքավորել հեռախոսներն ինքնաթիռի մեջ, սնուցել նավիգացիոն սարքերը և սառեցնել սրահի օդը մաքուր էներգիայի շնորհիվ։

«Ինձ դուր է գալիս մաքուր էներգիան` արևային էներգիան, քամու էներգիան, ուստի ես ցանկացա դրանց հիման վրա ստեղծել էներգիա կուտակող սարք։ Այս ամռան ընթացքում զբաղվել եմ դիզայնով, նկարելով և թեստավորմամբ, մինչև նախագիծը վերջնականապես պատրաստ չի եղել», – պատմել է աղջիկը։

Երեք տարի առաջ աղջիկը Հալեպից իր ընտանիքի` հոր` Անդրանիկի, մոր` Անիի և քրոջ` Մեղրիի հետ տեղափոխվել է կանադական Մոնրեալ ։

«Ես ուզում էի օրինակ դառնալ իմ շրջապատի աղջիկների համար։ Չի կարելի շրջանակների մեջ դնել մարդուն, պարտադիր չէ ընտրել կանանց համար նախատեսված մասնագիտություններ, ինչպիսին է ուսուցչուհին։ Կարևոր է հասկացնել, որ մենք կարող ենք ավելին», – կարծում է Շուշին։

Հայուհին պարբերականին պատմել է, թե ինչն է նրանց ստիպել Սիրիայից տեղափոխվել Կանադա։ Շուշիի ընտանիքն ապրել է հայաբնակ Հալեպ քաղաքում, որը 2015թ–ից սկսած մշտական գնդակոծության տակ է եղել։ Աղջիկը խոստովանել է, որ ավագ դասարաններում նրանք ստիպված էին դաս անել մանկապարտեզում, որովհետև դասասենյակները գտնվել են կրակի տակ։ Սակայն նույնիսկ անհարմարությունները և մանկական աթոռները, որոնց վրա ծվարել են ավագ դպրոցականները, չեն խանգարել Շուշիին սիրել գիտությունը։ Հայուհին լավ է սովորել, իսկ նրա ընտանիքը վախեցել է լքել պաշարված քաղաքը։

Հետո ջրի, ուտելիքի և տարրական հարմարությունների բացակայության պատճառով ընտանիքի մայրը` Անին, հիվանդացել է։ Այդ ժամանակ Բաքարյանները ստիպված են եղել տեղափոխվել Լիբանան, որտեղ նրանց բժշկական օգնություն են ցուցաբերել։ Այդտեղից 2015թ.–ի դեկտեմբերին ընտանիքը տեղափոխվել է Կանադա, որտեղ ապրում է ներկայում` իր օրինակով ոգեշնչելով բոլոր փախստականներին և տեղի բնակիչներին։

Ըստ թեմայի

Հայուհին ընդգրկվել է առավել հաջողակ երիտասարդ գործարարների ցանկում. Forbes
Արմեզան դարձած պարմեզանը, կամ Միքայելյանների ստեղծած «ոգելից պանիրների արքայությունը»
Փոքրիկ հայուհին կրկին փայլեց ֆրանսիական «Ձայնում». Պատրիկ Ֆիորին հազիվ զսպեց արցունքները
թեգերը:
Սիրիա

Գլխավոր թեմաներ