03:31 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Նիկոլ Փաշինյանը` ԵՏՀ նիստին

Հայաստանը ջանք չի խնայի ԵԱՏՄ–ն զարգացնելու համար. Փաշինյան

© Sputnik / Валерий Мельников
Աշխարհ
Ստանալ կարճ հղումը
Հայաստանի հեռանկարը ԵԱՏՄ–ում (125)
12920

Հունվարի 1-ից Հայաստանը ստանձնեց Եվրասիական տնտեսական հանձնաժողովի մարմինների նախագահությունը:

ԵՐԵՎԱՆ, 25 հունվարի — Sputnik. ԵԱՏՄ–ն կայացել է որպես հաջողակ ինտեգրացիոն միավորում, այսօր ԵՏՀ գլխամասային գրասենյակում ասաց ՀՀ վարչապետ Նիկոլ Փաշինյանը։

«Անցած տարիների ընթացքում ԵԱՏՄ–ում հիմնական տնտեսական ցուցանիշներով դրական դինամիկա է արձանագրվել։ Եվրասիական ինտեգրման մի շարք ուղղություններով կարևորագույն որոշումներ են կայացվել։ Այդ հարցում դժվար է գերագնահատել ԵՏՀ–ի աշխատանքը», – իր ելույթում նշեց Նիկոլ Փաշինյանը։

Նա ընթերցեց ԵԱՏՄ երկրների ղեկավարներին ուղղված ուղերձը։

«Հայաստանը հունվարի 1-ից ստանձնեց նախագահությունը ԵԱՏՄ մարմիններում: Հայաստանի նախագահությունն համընկնում է ԵԱՏՄ–ի մասին պայմանագրի 5-ամյակի հետ։ Անցած 5 տարիների ընթացքում Միությունը կայացավ որպես հաջող ինտեգրացիոն միավորում և անկախ առաջին տարիների դժվարություններից, ներկա պահին փոխադարձ առևտրի և կառույցների դիվերսիֆիկացման, ինչպես նաև առևտրային և տնտեսական հարաբերությունների վստահ աճի տեմպեր է ցուցադրում», – ասաց Փաշինյանը։

ԵԱՏՄ երկրների համար Եվրասիական ինտեգրացիան առաջնահերթ ուղղություն է, որը թույլ է տալիս բարելավել պայմանները բիզնեսի համար, ընդլայնել համագործակցությունն ավանդական գործընկերների հետ և նոր գործընկերներ գտնել` նպատակ ունենալով իրացնել ինտեգրացիոն միավորման տնտեսական ներուժը։

Միևնույն ժամանակ ԵԱՏՄ անդամ բոլոր պետությունները պետք է առավելագույն ջանքեր գործադրեն ԵԱՏՄ–ի ինստիտուցիոնալ զարգացումը շարունակելու և աշխուժացնելու համար։

«Հայաստանն իր հերթին ջանք կգործադրի ինտեգրման դրական դինամիկան պահպանելու, ինչպես նաև մեր երկրների տնտեսական աճին խանգարող խնդիրները լուծելու համար», – նշել է Փաշինյանը։

Նշենք, որ ԵԱՏՄ աշխատանքային մարմիններում նախագահությունը 2019 թվականին անցավ Հայաստանին։

ԵԱՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1–ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։

թեմա:
Հայաստանի հեռանկարը ԵԱՏՄ–ում (125)

Ըստ թեմայի

Փաշինյանը մեկնում է Մոսկվա. ի՞նչ հանդիպումներ են սպասվում
Փաշինյանն ասել է, թե ինչի է ձգտում Հայաստանը ԵԱՏՄ շրջանակում
Հայաստանին տնտեսական բեկում է պետք. Փաշինյանը հարցազրույց է տվել Euronews–ին
թեգերը:
Հայաստան, Նիկոլ Փաշինյան, Եվրասիական Տնտեսական Միություն (ԵԱՏՄ)

Գլխավոր թեմաներ