ԵՐԵՎԱՆ, 1 փետրվարի — Sputnik. ԱՄՆ–ի նախագահի ազգային անվտանգության հարցերով խորհրդական Ջոն Բոլթոնը խորհուրդ է տվել Վենեսուելայի նախագահ Նիկոլաս Մադուրոյին հնարավորինս արագ թոշակի գնալ և հեռանալ երկրից։ Այդ մասին Բոլթոնը գրել է Twitter–ի իր միկրոբլոգում։
I wish Nicolas Maduro and his top advisors a long, quiet retirement, living on a nice beach somewhere far from Venezuela. They should take advantage of President Guaido’s amnesty and move on. The sooner the better.
— John Bolton (@AmbJohnBolton) 31 января 2019 г.
«Նիկոլաս Մադուրոյին և նրա ավագ խորհրդականներին մաղթում եմ հանգիստ կենսաթոշակ, կյանք գեղեցիկ լողափին` հեռու Վենեսուելայից։ Նրանք պետք է օգտվեն նախագահ Գուաիդոյի համաներումից և հեռանան։ Որքան շուտ, այնքան լավ», – գրել է Բոլթոնը։
Նշենք, որ հունվարի 21–ից Վենեսուելայում տեղի են ունենում բողոքի զանգվածային ակցիաներ ներկա նախագահ Մադուրոյի դեմ։ Խորհրդարանի խոսնակ Խուան Գուաիդոն իրեն հայտարարել է պետության ժամանակավոր ղեկավար ժամանակավոր կառավարության գործողությունների շրջանում։
