23:41 23 մարտի 2019
Ուղիղ եթեր
  • USD485.86
  • GBP636.57
  • EUR549.22
  • RUB7.58
Հնդկաստան

Խաբեությամբ ՀՀ–ում հայտնված հնդիկները վերադարձել են Հնդկաստան. 2 մեղավորի ձերբակալել են

© Sputnik / Виталий Савельев
Աշխարհ
Ստանալ կարճ հղումը
95410

Հայաստանում Հնդկաստանի դեսպանատունը հայտարարություն է տարածել։

ԵՐԵՎԱՆ, 9 փետրվարի – Sputnik. Հնդկաստանի չորս քաղաքացիները, որոնք հնդկական տուրիստական գործակալությունների խաբեության հետևանքով դժվար կացության մեջ էին հայտնվել Հայաստանում, ուղարկվել են հետ՝ Հնդկաստան: Twitter–ում այս մասին գրել է Հայաստանում Հնդկաստանի դեսպանատունը:

«Հնդկաստանի չորս քաղաքացիներն այսօր ուղարկվել են հետ՝ Հնդկաստան»,- նշված է փետրվարի 8-ին հրապարակված գրառման մեջ։

​Փենջաբ նահանգի ղեկավար Ամարինդեր Սինխն էլ Twitter–ում գրել է, որ տեղի ոստիկանությանը կարգադրել է հետևել հետաքննության ընթացքին:

«Քափուրթալա քաղաքի ոստիկանությունը ձերբակալել է 5 մեղադրյալներից 2-ին: Մյուսները ևս շուտով կձերբակալվեն: Փենջաբի ոստիկանությունն իմ հանձնարարականներով ուսումնասիրում է դեպքը»,- գրել է նա` ի պատասխան Հնդկաստանի արտաքին գործերի նախարար Սուշմա Սվարաջի հայտարարության, որում արտաքին քաղաքական գերատեսչության ղեկավարը հայտնել էր, թե Փենջաբի ղեկավարը խոստացել է անմիջապես քայլեր ձեռնարկել դեպքի առնչությամբ:

​Հնդկական լրատվամիջոցներն ավելի վաղ հայտնել էին, որ Փենջաբ նահանգի 4 երիտասարդներ անելանելի իրավիճակում են հայտնվել: Հրապարակված տեսանյութում երիտասարդները պնդում են, որ 5 օր հաց չեն կերել, իսկ տանտերը պահանջում է դուրս գալ տնից: Ըստ ԶԼՄ–ների` այդ հնդիկները Հայաստանում են հայտնվել հնդկական տուրիստական գործակալության տրամադրած վիզայի միջոցով աշխատելու նպատակով, սակայն նրանց չի հաջողվել Հայաստանում աշխատանք գտնել:

Դեպքը նաև հնդիկ պատգամավորների ուշադրության կենտրոնում է. նրանք աշխատում են ապօրինություն թույլ տված հնդկական զբոսաշրջային յոթ գործակալներին պատասխանատվության ենթարկելու ուղղությամբ: Նրանցից 6-ն արդեն հրավիրվել են Փենջաբ նահանգի Կապուրտալա քաղաքի ոստիկանություն:

Ըստ թեմայի

Ինչո՞ւ են Հայաստանում շատանում հնդիկները. պատկան կառույցների մեկնաբանությունը
Խառատյան. «Իշխանությունը պետք է հնդիկների գալու հետ կապված հստակ դիրքորոշում արտահայտի»
Երևանի անտունների կացարանում էլ են «հնդիկներ» բնակվում ու չեն ուզում հեռանալ Հայաստանից
Հնդիկները Հայաստանում. հնդկական սերիալներից մինչև Թաջ Մահալի լեգենդը
Հնդիկ երգիչը հայուհու հանդեպ սիրո մասին տեսահոլովակ է նկարահանում Երևանում. տեսանյութ

Գլխավոր թեմաներ