08:43 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Եռագույն

Հայկական եռագույնը օծվեց սիրիական Հալեպում

© Sputnik / Asatur Yesayants
Աշխարհ
Ստանալ կարճ հղումը
8610

Հայ ժողովրդի բացառիկ արժեքներից է խաղաղասիրությունը և այսօր Հայաստանի մարդասիրական առաքելության ներկայությունը Սիրիայում դրա վառ ապացույցն է:

ԵՐԵՎԱՆ, 5 մարտի — Sputnik. Հալեպում տեղի է ունեցել մարդասիրական առաքելությամբ Սիրիա ժամանած ՀՀ մասնագետների խմբի կենտրոնակայանում տեղադրված Հայաստանի դրոշի օծման արարողությունը։

Այս մասին տեղեկացնում են ՀՀ ԱԳՆ մամուլի ծառայությունից և հավելում, որ միջոցառմանը մասնակցել է Սիրիայում ՀՀ դեսպան Տիգրան Գևորգյանը:

Արարողությանը ներկա են եղել նաև Հալեպում ՀՀ գլխավոր հյուպատոս Արմեն Սարգսյանը, ՍԱՀ Ժողովրդական ժողովի պատգամավոր Ժիրայր Ռեիսյանը, հալեպահայ համայնքի հոգևոր և աշխարհիկ առաջնորդներ։

Հումանիտար մասնագետների խմբի անդամ Արկադի Տոնոյանն ընդգծել է, որ հայ ժողովրդի բացառիկ արժեքներից է խաղաղասիրությունը և այսօր Հայաստանի մարդասիրական առաքելության ներկայությունը Սիրիայում դրա վառ ապացույցն է:

Իր հերթին Սիրիայում ՀՀ դեսպան Տիգրան Գևորգյանը ողջունել է ՀՀ մարդասիրական առաքելության մասնակիցներին Սիրիայի Արաբական Հանրապետությունում՝ վստահություն հայտնելով, որ հումանիտար մասնագետները պատվով և փառքով կկատարեն իրենց վրա դրված վեհ պարտականությունը, այն է՝ աջակցել Սիրիայի բարեկամ ժողովրդի վերագտնելու խաղաղությունը, մի ժողովրդի, որն ավելի քան հարյուր տարի առաջ իր դռներն ու սրտերը բացեց Օսմանյան կայսրության կողմից իրականացված Ցեղասպանությունից մազապուրծ եղած տարագիր հայերի առջև:

Այնուհետև Բերյո Հայոց թեմի առաջնորդ Շահան արքեպիսկոպոս Սարգսյանը կատարել է Հայաստանի Հանրապետության պետական դրոշի օծման ծիսակարգը:

Ավելի վաղ հայտնի էր դարձել, որ հայ սակրավորները սկսել են ականազերծումը Սիրիայի Հալեպ գավառում:

Հիշեցնենք` Սիրիայի ժողովրդին մարդասիրական մասնագիտական օժանդակություն ցուցաբերելու նպատակով փետրվարի 8-ին, հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր՝ 83 անձ) ժամանել է Սիրիա, Հալեպ:

Ըստ թեմայի

Հայաստանը զինվորականներ կուղարկի՞ Սիրիա. Փաշինյանը մեկնաբանեց Տոնոյանի հայտարարությունը
Իշխանությունների` Սիրիա մասնագետների խումբ ուղարկելու որոշումը ողջունելի է․ Բալասանյան
«Առաջարկում եմ ձևավորել պատգամավորական խումբ՝ Սիրիա մեկնելու նպատակով». Բաբաջանյան
թեգերը:
Հայաստան, Սիրիա

Գլխավոր թեմաներ