15:08 26 մարտի 2019
Ուղիղ եթեր
  • USD485.98
  • GBP640.13
  • EUR550.08
  • RUB7.56
ԱՊՀ երկրների ղեկավարների համաժողով. արխիվային լուսանկար

Լուկաշենկոն սկսել է ՀԱՊԿ գլխավոր քարտուղարի պաշտոնում Զասին նշանակելու գործընթացը

© Photo: official site of the Prime minister of RA
Աշխարհ
Ստանալ կարճ հղումը
116 0 0

Այդ թեմայով տրվել են կոնկրետ հանձնարարականներ։ Աշխատելու ենք այդ ուղղություններով։ Մենք հետագայում կշարունակենք զբաղվել այդ հարցով, որպեսզի վերջապես մեր ռազմաքաղաքական կազմակերպությունն ունենա օրինական կերպով նշանակված գլխավոր քարտուղար:

ԵՐԵՎԱՆ, 5 մարտի — Sputnik. Բելառուսի նախագահ Ալեքսանդր Լուկաշենկոն հանձնարարել է Բելառուսի կառավարությանը շուտափույթ կերպով նշանակել ՀԱՊԿ գլխավոր քարտուղարին։ Ինչպես հաղորդում է ՌԻԱ Նովոստին, այդ մասին երեքշաբթի հաղորդել է հանրապետության փոխվարչապետ Իգոր Պետրիշենկոն։

Ինչպես հաղորդում են բելառուսական ԶԼՄ–ները, Ալեքսանդր Լուկաշենկոն երեքշաբթի կառավարության ղեկավարության և բարձրագույն պետմարմինների հետ խորհրդակցության ժամանակ ՀԱՊԿ–ում տիրող իրավիճակն անվանել է «անառողջ», նշել, որ դա կապված է նաև գլխավոր քարտուղար նշանակելու հետ, ուստի խնդիրը պետք է հնարավորինս արագ լուծել։

«Մենք այդ թեման քննարկել ենք նախագահի մոտ խորհրդակցության  ժամանակ, տրվել են կոնկրետ հանձնարարականներ։ Աշխատելու ենք այդ ուղղություններով։ Մենք հետագայում կշարունակենք զբաղվել այդ հարցով, որպեսզի վերջապես մեր ռազմաքաղաքական կազմակերպությունն ունենա օրինական կերպով նշանակված գլխավոր քարտուղար», – ասել է Պետրիշենկոն։

Հիշեցնենք` ՀԱՊԿ գլխավոր քարտուղարի թեկնածու Ստանիսլավ Զասը հայտարարել էր, որ ՀԱՊԿ կանոնակարգը թույլ է տալիս սահմանափակ կազմով որոշում կայացնել։

ՀԱՊԿ գլխավոր քարտուղար Յուրի Խաչատուրովին Հայաստանում մեղադրանք է առաջադրվել Մարտի 1-ի գործով` Սահմանադրական կարգը տապալելու համար՝ ՀՀ Քրեական օրենսգրքի 300.1 հոդվածի հատկանիշներով։ ՀՔԾ-ն միջնորդություն էր ներկայացրել Երևանի ընդհանուր իրավասության դատարան՝ նրան կալանավորելու մասին։ Սակայն դատարանը, հաշվի առնելով ի պաշտոնե նրա համար սահմանված անձեռնմխելիության իրավունքից, որոշեց խափանման միջոց կիրառել 5 մլն դրամ գրավը։

ՀՀ ԱԳՆ–ն գլխավոր քարտուղարի փոխարինման գործընթաց էր սկսել, քանի որ այդ պաշտոնը վարելու հերթը ռոտացիոն կարգով այս պահին Հայաստանինն է։

Ըստ թեմայի

Վլադիմիր Պուտինը ՀԱՊԿ–ում Ռուսաստանի լիազոր ներկայացուցիչ է նշանակել
ՀԱՊԿ գլխավոր քարտուղարի հարցը 1 տարով կհետաձգվի. հաշտվե՞լ են ՀՀ–ի դիրքորոշման հետ
ՀԱՊԿ–ում գլխավոր քարտուղարի հետ կապված տարաձայնությունների պատճառով վակուում չկա. Պեսկով
թեգերը:
Յուրի Խաչատուրով, Հավաքական անվտանգության պայմանագիր կազմակերպություն (ՀԱՊԿ), Հայաստան

Գլխավոր թեմաներ