22:19 26 մայիսի 2019
Ուղիղ եթեր
  • USD480.03
  • GBP609.35
  • EUR537.15
  • RUB7.44
Նոր Զելանդիա

Անհայտ անձը կրակ է բացել Նոր Զելանդիայի մզկիթներում և սոցցանցում ուղիղ հեռարձակել ամենը

© REUTERS / STRINGER
Աշխարհ
Ստանալ կարճ հղումը
136 0 0

Անհայտ անձը կրակ է բացել Նոր Զելանդիայի արևելքում գտնվող Քրայսթչերչ քաղաքի մզկիթում և նկարահանել այդ ամենը։

ԵՐԵՎԱՆ, 15 մարտի — Sputnik. Նոր Զելանդիայի արևելքում գտնվող Քրայսթչերչ քաղաքի երկու մզկիթների վրա զինված հարձակում է տեղի ունեցել։ Այս մասին հայտնում են տեղական ԶԼՄ–ները։

Չորս կասկածյալներին ձերբակալել են, բայց դեռ հայտնի չէ, թե որքան մարդ է մասնակցել հարձակմանը։ Հայտնի է, որ հրաձիգներից մեկի անունը սոցցանցերում Բրենտոն Տարանտ է։ Նա 28 տարեկան ավստրալիական ծագում ունեցող տղամարդ է։ Բրենտոնը տեղի ունեցածը ուղիղ հեռարձակման միջոցով ցուցադրել է սոցցանցի իր էջից։

Քաղաքի ոստիկանությունը հայտարարել է, որ աշխատում է կադրերը սոցցանցից հեռացնելու ուղղությամբ։

Հայտնում են, որ միջադեպից առաջ տղամարդը 37 էջանոց մանիֆեստ էր գրել, որում հայտարարում էր իր մտադրությունների մասին։ Նա տեղեկացրել էր, որ սա «ահաբեկչական հարձակում է»։

Համացանցում հրապարակած երկար ուղերձում, ենթադրյալ հրաձիգը նկարագրել էր, թե ով է նա և ինչու է Քրայսթչերչի մզկիթում կրակ բացել։

Twitter-ը կասեցրել է «Բրենտոն Տարանտ» անունով էջի գործողությունները։

Ներկա պահին քաղաքի հիվանդանոց է տեղափոխվել 30 տուժած։

Նոր Զելանդիայի վարչապետ Ջասինդա Արդերնը միջադեպը դաժանության աննախադեպ ակտ է անվանել։

«Տուժածներից շատերը միգրանտներ են, Նոր Զելանդիան նրանց տունն է, նրանք` մենք ենք», – ասել է վարչապետը։

Հարձակումների են ենթարկվել քաղաքի կենտրոնական հատվածում գտնվող «Ալ–Նուր» մզկիթը և քաղաքամերձ Լինվուդում գտնվող մզկիթը։

Բազմաթիվ դաժան կադրեր են տարածվում համացանցում։

Ըստ թեմայի

Դոնեցկում երեք պայթյուն է որոտացել
Երևանում պայթյուն է որոտացել
Գազատարի պայթյուն Իրանում. կան զոհեր և վիրավորներ. տեսանյութ
թեգերը:
Ահաբեկչություն, պայթյուն, Աշխարհ

Գլխավոր թեմաներ