11:44 23 մարտի 2019
Ուղիղ եթեր
  • USD485.86
  • GBP636.57
  • EUR549.22
  • RUB7.58
Նոր Զելանդիայում տեղի ունեցած ահաբեկչությունից հետո

Կեղծ էին, թէ ոչ Նոր Զելանտիոյ ահաբեկիչներու զէնքերու հայերէն ու վրացերէն գրառումները

© AP Photo / Mark Baker
Աշխարհ
Ստանալ կարճ հղումը
Sputnik Արմենիան` արևմտահայերենով (35)
540 0 0

Նոր Զելանտիոյ մէջ ահաբեկչութեան մասին լուրը ցնցած է համացանցը: Հայկական ու վրացական տիրոյթները ցնցուած են զէնքերու պահունակներուն վրայ հայերէն ու վրացերէն եղած գրութիւններէն: Sputnik Արմենիան կը պարզէ` կեղծ են ատոնք, թէ ոչ:

ԵՐԵՒԱՆ, 16 մարտի — Sputnik. Հայերէն ու վրացերէն գրութիւնները կրնան եղած ըլլալ ահաբեկչութիւն իրագործող անձանց կողմէ: Լուրջ հիմքեր չկան մտածելու, թէ ատիկա կեղծ է: Այս մասին Sputnik Արմենիայի թղթակիցին հետ զրոյցին ըսաւ տեղեկատուական անվտանգութեան գծով փորձագէտ Սամուէլ Մարտիրոսեան:

Այսօր Նոր Զելանտիոյ Քրայսթչըրչ քաղաքի երկու մզկիթներուն մէջ ահաբեկչութիւն տեղի ունեցած է: 49 մարդ մահացած է: Յարձակողնէրէն մէկը` 28–ամեայ աւստրալիացի Պրենթըն Թարանտը, յայտարարութիւն մը ըրած է, ուր նկարագրած է իր մտադրութիւնները, ընդգծելով, որ «ատիկա ահաբեկչութիւն է»: Հրաձգութեան ընթացքին գրոհայիններէն մէկը ուղիղ եթեր մտած էր:

Աւելի ուշ համացանցի վրայ ահաբեկիչներու զէնքերու պահունակներու լուսանկարներ յայտնուած էին, ուր սպիտակ ներկով տարբեր լեզուներով, ներառեալ` հայերէն ու վրացերէն, գրառումներ եղած էին:

Հրապարակումներէն մէկը տարածած է արաբագէտ Սարգիս Գրիգորեան:

Վրացերէնով գրառման լուսանկարը հրապարակած է Daily Mail–ը: Պահեստատուփին վրայ գրուած է Վրաստանի արքայ Դաւիթ Շինարարի ու Թամար թագուհիի ամուսին Դաւիթ Սօսլանի (XI-XII դարեր) անունները:

Sputnik Արմենիայի տեղեկութեան համաձայն` Վրաստանի պետական անվտանգութեան ծառայութիւնը կը համագործակցի Նոր Զելանտիոյ իշխանութեան հետ` ահաբեկիչներու` Վրաստանի հետ հնարաւոր կապը պարզելու համար:

Հայերէն գրութեան պարագային կը յիշատակուի Սարիղամիշի ճակատամարտը (այն սկսած է 1914 թուականի դեկտեմբեր 22-ին եւ աւարտած 1915 թուականի յունուար 17-ին` ռուսական զօրքի յաղթանակով: Թուրքերը մինչեւ 90 հազար մարդ կորսնցուցած են):

Սակայն լուսանկարները բաւական համոզիչ չեն թուացած համացանցի ո՛չ հայկական. Ո՛չ վրացական տիրոյթի օգտատէրերուն: Շատերը կարծած են, թէ ատիկա ֆոթոշոփ է:

«Քանի որ Հայաստանը քրիստոնէական ու իսլամական մշակոյթներու սահմանակէտին է, շատ յաճախ ծայրայեղական տարրերը կը ներառեն ինչպէս Հայաստանը, այնպէս ալ Վրաստանը գաղափարախօսական պատերազմին, քարոզչութեան», – ըսաւ Մարտիրոսեան:

Ան նշեց, որ հակուած չէ լուսանկարները կեղծ համարելուն, բայց հարիւր տոկոսով չի պնդեր: Մարտիրոսեանի խօսքով` կեղծիքն այդքան շուտ չէր կրնար յայտնուիլ:

«Ամենայն հաւանականութեամբ` ահաբեկիչները որոշած են շարք մը պատմական իրադարձութիւններ միացնել ու կրօնական հողի վրայ քաղաքակրթական ահաբեկչութիւն ընել», –ըսաւ ան:

Մարտիրոսեան զուգահեռ անցուցած է Անտերս Պեհրինկ Պրէուիկի հետ: Երկու պարագային ալ նոյն ձեռագիրն է:

«Ան նոյնպէս հսկայական գրութիւն հրապարակած էր մինչ սպանութիւններ ընելը: Այն ժամանակ ալ հայկական թեմատիկա կար», – ըսաւ Մարտիրոսեան:

Յիշեցնենք` 2011թ.-ի յուլիս 22–ին Պրէուիկը պայթում կազմակերպած էր Օսլոյի կեդրոնին մէջ: Ան մէկ օրուան մէջ երկու ահաբեկչութիւն ըրած էր: Առաջին յարձակումէն մահացած էին 8 հոգի եւ վիրաւորուած 66-ը, իսկ երկրորդէն` 68 սպաննուած եւ 66 վիրաւոր: Աւելի ուշ Նորվեկիոյ դատարանը դատապարտած է Պրէուիկը 21 տարի ազատազրկման:

թեմա:
Sputnik Արմենիան` արևմտահայերենով (35)

Ըստ թեմայի

Հալէպի հայերը կը վերադառնան խաղաղ կեանքին. ՀՀ դեսպանը` Սուրիոյ իրավիճակի մասին
Որովհետեւ կը սիրէ ծովը. նաւատորմերու ապագայ կին նաւապետը կ՚երազէ Հայաստան գալ
Գարոլին Ռաֆայէլեանը ներառուած է Forbes-ի «Միլիարատէրեր 2019»-ի ցանկին մէջ

Գլխավոր թեմաներ