22:25 25 մայիսի 2019
Ուղիղ եթեր
  • USD480.03
  • GBP609.35
  • EUR537.15
  • RUB7.44
Սերժ Թանքեան

«Ինչի՞ կը սպասէք, նոր ցեղասպանութեա՞ն». Սերժ Թանքեան Թուրքիա չայցելելու կոչ ըրած է

© Sputnik / Asatur Yesayants
Աշխարհ
Ստանալ կարճ հղումը
Sputnik Արմենիան` արևմտահայերենով (166)
357 0 0

Ամերիկահայ երգիչը դիմած է հասարակութեան` կոչ ընելով հրաժարիլ Թուրքիա այցելելէն Չանաքելի ճակատամարտի օրը:

ԵՐԵՒԱՆ, 24 մարտի — Sputnik. Աշխարհահռչակ ռոք երաժիշտ, System of a Down խումբի հիմնադիր Սերժ Թանքեան յօդուած  գրած է Նոր զելանտական Newshub թերթին համար, որուն մէջ բացայայտ կոչ կ’ընէ ապրիլ 25-ին զբօսաշրջային այցելութիւններ չկատարել Թուրքիա:

Թանքեան յիշեցուցած է, որ Թուրքիոյ կառավարութիւնն Էրտողանի ղեկավարութեամբ տարիէ տարի միլիոնաւոր տոլարներ կը ծախսէ Ուաշինկթընի  եւ աշխարհի միւս մայրաքաղաքներուն մէջ` ուղղուած Հայոց ցեղասպանութիւնը ճանչնալու դէմ քարոզչութեան, որուն տարելիցը կը նշեն ապրիլ 24-ին: Միաժամանակ աշխուժօրէն կը քարոզէ Օսմանեան զօրքերու յաղթանակի ամսաթիւը Անտանտի դաշինքի զօրքերուն դէմ:

Խօսքը Տարտանելի գործողութեան մասին է, որ յայտնի է որպէս «Չանաքելէի ճակատամարտ» եւ «Կալիպոլիի մարտ»: Առաջին համաշխարհային պատերազմի ժամանակ 1915-ին գործողութեան ընթացքին թերակղզիին մէջ ընթացած են թէժ մարտեր, որոնք պսակուած են օսմանեան բանակի յաղթանակով: Կալիպոլիի յաղթանակը հսկայական նշանակութիւն  ունեցած է ոչ միայն Օսմանեան կայսրութեան համար, այլ նաեւ ամբողջ աշխարհի (Ուինսթըն Չըրչըլը` որպէս գործողութեան նախաձեռնող, ստիպուած  եղած է հրաժարական տալու, իսկ Մուսթաֆա Քեմալը, որ աւելի ուշ ստացած է Աթաթուրք անունը, ապագային դարձած է Թուրքիոյ նախագահ):

Աւստրալիոյ եւ Նոր Զելանտայի մէջ ապրիլ 25-ը կոչուած է Anzac Day եւ դարձած ազգային տօն: Այդ օրերուն աւստրալացի եւ նորզելանտացի զբօսաշրջիկները կ’այցելեն Կալիպոլի թերակղզի, ուր կ’անցնեն յիշատակի ձեռնարկներ:

«Որպէս հայերու, ամերիկացիներու եւ նոր զելանտացիներու սերունդ, որոնց տատիկներն ու պապիկները եղած են չարագործութիւններու անմիջական ականատեսները, ես այդ օրը զբօսաշրջային ուղեւորութիւնները Կալիպոլի համարած եմ թրքական քարոզչութեան արդիւնք: Ես կը յարգեմ իրենց զոհուած հերոսներուն յարգանքի տուրք մատուցող ընտանիքներուն, սակայն չեմ վստահիր ժամանակակից Թուրքիոյ ղեկավարներու մտադրութիւններուն», - գրած է Թանքեան:

Ան գրած է, որ այս շաբաթ Նոր Զելանտայի մէջ մարդկութիւնը բախուած է ժամանակակից պատմութեան ամենասարսափելի դրուագներէն մէկուն` Քրայսթչըրչի մզկիթներուն մէջ Աւստրալիոյ քաղաքացիութիւն ունեցող զինուած անձի մը կողմէ անմեղ հաւատացեալներուն կրակելու հետ:

«Հրաձգութենէն ետք յայտնի դարձաւ, որ Էրտողան բազմիցս ցուցադրած է հրաձիգի խմբագրած տեսանիւթը տեղական ընտրական հանրահաւաքներուն ժամանակ եւ բացայայտ կերպով սպառնացած նոր զելանտացիներուն եւ աւստրալացիներուն նմանօրինակ յայտարարութիւններով. «Ձեր տատիկներն ու պապիկները եկած են այստեղ, իսկ անոնցմէ ոմանք` վերադարձած դագաղներու մէջ: Եթէ դուք գաք ձեր պապիկներուն նման, վստահ եղէք, որ չէք վերադառնար, ինչպէս ձեր պապիկները»,- յիշեցուցած է Թանքեան` մատնանշելով այն հանգամանքը, որ Էրտողան այս տեսանիւթը կը ցուցադրէ հանրութեան, որպէսզի լսարանին առջեւ պատրանք ստեղծէ, թէ իբր աշխարհի մէջ իսլամատեացութիւնն աւելցեած է եւ ընտրողները կը գրաւէ դէպի իրեն:

Թանքեան կը հարցնէ, թէ ե՞րբ պիտի գայ ժամանակն ըսելու` բաւակա՛ն է:

«Մենք չենք պատրաստուիր համաձայնիլ բռնակալի  հետ առեւտրի, աշխարհաքաղաքական առաւելութեան կամ ռազմական ուղղաթիռներու վաճառքի համար: Նոր Զելանտան ԱՄՆ չէ, որ տուրք տայ Թուրքիոյ քմահաճոյքներուն, եւ պէտք է առաւել բարոյական ուղի ընտրէ», - եզրափակած է Նոր Զելանտայի մէջ  գտնուող երաժիշտը:

թեմա:
Sputnik Արմենիան` արևմտահայերենով (166)

Ըստ թեմայի

Կազմողական վիրաբուժութեան 1-ին փրոֆէսորը. ինչպէ՞ս հայ բժիշկը Հարվըրտի մէջ հռչակաւոր դարձաւ
Բժշկական հրաշք. գանգուղեղի ծանր վնասուածքով երկու տարեկան Նարեկի փրկութեան պատմութիւնը
ԱՄՆ պետական քարտուղարը մոմ վառած է Երուսաղէմի Ս. Յարութեան տաճարի հայկական բաժինին մէջ
Ռազմական փորձագէտը մեկնաբանեց ԶՈւ–ի մէջ ծառայութեան ժամկէտը կրճատելու հարցը
Մելաձեն կանգնեցաւ, Լոպոտան հիացաւ. արցախցի Միշան ցնցեց «Ձայնը» ծրագիրի ժիւրին. տեսանիւթ
թեգերը:
Ամերիկայի Միացյալ Նահանգներ, Ցեղասպանություն, Սերժ Թանկյան

Գլխավոր թեմաներ