23:20 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Էկա Բեսելիա. Վրաստանի խորհրդարանի պատգամավոր. նախկինում «Վրացական երազանք-ժողովրդավարական Վրաստան» կուսակցության անդամ

Սկանդալ խորհրդարանում. վրացի պատգամավորը հայհոյախառը sms է ուղարկել կին գործընկերոջը

© Sputnik / Alexander Imedashvili
Աշխարհ
Ստանալ կարճ հղումը
124 0 0

Վրացի պատգամավորները հերթական անգամ հարաբերություններ են սկսել պարզել խորհրդարանականի սխալի պատճառով։

ԵՐԵՎԱՆ, 26 մարտի — Sputnik. «Վրացական երազանք` ժողովրդավարական Վրաստան» խորհրդարանական խմբակցության նախագահ Մամուկա Մդինարաձեն սխալմամբ հաղորդագրություն է ուղարկել պատգամավոր Էկա Բեսելիային։

Միաժամանակ, հաղորդագրությունը, որը վերաբերում է նաև Բեսելիային, պետք է հասներ իշխող կուսակցությունից Մդինարաձեի գործընկերներին։

Քաղաքական գործիչներն արդեն ելույթ են ունեցել մեկնաբանություններով այդ անհարմար իրավիճակի  առիթով։ Առաջիններից արձագանքել է հենց Բեսելիան։

«Նա իմ WhatsApp–ին հաղորդագրություն էր ուղարկել, որը սկսվում էր Էկա Բեսելիա անունով և ուղեկցվում էր հայհոյանքներով։ Երբ ես կարդացի, հասկացա, որ հաղորդագրությունը սխալմամբ է ուղարկվել», – ասել է Բեսելիան «TV Պիրվելիի» հետ հարցազրույցում։

Պատգամավորը նշել է, որ հաղորդագրության հեղինակը և բոլոր նրանք, ում դա հասցեագրված է եղել, տղամարդավարի չեն վարվել։

Մդինարաձեն «TV Պիրվելիին» տված հարցազրույցում նշել է, որ իր հաղորդագրության մեջ ցենզուրայից դուրս խոսքեր չեն եղել։ Նա ուղղակի հավաքել է այդ օրը հնչած արտահայտությունները և ուղարկել կուսակիցներին։

«Հավանաբար, այսօր շատ եմ մտածել Բեսելիայի մասին, ուստի նրան եմ ուղարկել», – հեգնանքով ասել է Մդինարաձեն։

Պատգամավորը միայն զղջում է, որ այդ հաղորդագրությունը սկսվել է «բոլորս գիտենք, թե ով է  Բեսելիան» արտահայտությամբ։

Մդինարաձեի վարկածով` դա գրված է եղել «Վրացական երազանք» կուսակցության հասցեին Բեսելիայի քննադատությանը վերջ տանելու համար, երբ երկրում այդքան շատ չլուծված հարցեր կան։

Հիշեցնենք, որ հունվարի վերջին պետաիրավական հարցերով խորհրդարանական հանձնաժողովի նախկին նախագահ, ազդեցիկ պատգամավոր Էկա Բեսելիայի անվան շուրջ սկանդալ էր ծագել։

Պատգամավոր Էկա Բեսելիան լքել է «Վրացական երազանքը» և խորհրդարանական մեծամասնությունը փետրվարի 22–ին։

Ի դեպ, նա կուսակցությունը հիմնել է դրա առաջնորդ և Վրաստանի նախկին վարչապետ Բիձինա Իվանիշվիլու հետ։

Ըստ թեմայի

Բուլղարիան չեղարկել է Հայաստանի և Վրաստանի հետ փոխադրումների «ժամկետանց» համաձայնագիրը
Ծեծկռտուք Վրաստանի խորհրդարանում. պատգամավորները վիճել են օրինագիծը քննարկելիս
ԱՄՆ–ն նրբանկատ չի լինի. ի՞նչ հետևանքներով է հղի Հայաստանով իրանական գազի տարանցումը
Ինչո՞ւ բրիտանացին չի հեռանա Հայաստանից, իսկ հայկական գարեջուրը «կողողի» տարածաշրջանը
թեգերը:
Վրաստանի Հանրապետություն

Գլխավոր թեմաներ