ԵՐԵՎԱՆ, 28 մարտի — Sputnik. Ղազախստանի ռազմաօդային ուժերին պատկանող Մի-8 ուղղաթիռի ընկնելու հետևանքով մահացել են 13 զինվորական։ Այս մասին հայտնում է Sputnik Ղազախստանը` հղում անելով արտակարգ իրավիճակների կոմիտեին։
Դեպքը տեղի է ունեցել երեկ` տեղի ժամանակով 17։35–ին, Քիզիլօրդինսկի շրջանում։ Ուղղաթիռն Ակտաուից մեկնել է Շիմկենտ։
Ուղղաթիռն ընկել է անհայտ հանգամանքներում և ամբողջությամբ այրվել։
Պաշտպանության նախարարության կայքում նշվում է, որ ուղղաթիռում եղել են 13 մարդ, կան զոհեր։
Ղազախստանի ՊՆ տվյալներով` թռիչքն իրականացվել է «Ալտին ժեբե» հատուկ ստորաբաժանումների զորավարժությունների և համալիր ստուգման շրջանակում գիշերային ժամերին և բարդ եղանակային պայմաններում։
Հարուցվել է քրեական գործ։
