15:20 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Փաշինյան–Ալիև հանդիպում. Վիեննա

Մեկնարկեց Փաշինյան–Ալիև առանձնազրույցը` փակ դռների հետևում

© Photo / official site of the Prime minister of RA.
Աշխարհ
Ստանալ կարճ հղումը
Ղարաբաղյան հակամարտություն (212)
188 0 0

Վիեննայում կայացավ նաև վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը ԵԱՀԿ Մինսկի խմբի համանախագահների հետ։

ԵՐԵՎԱՆ, 29 մարտի — Sputnik. Հայաստանի և Ադրբեջանի ղեկավարների հանդիպումը ԵԱՀԿ ՄԽ համանախագահների հետ ավարտվեց։ Այս պահին ընթանում է Փաշինյան–Ալիև առանձնազրույցը` փակ դռների հետևում։ Այս մասին ֆեյսբուքյան իր էջում գրել է ՀՀ վարչապետի մամուլի խոսնակ Վլադիմիր Կարապետյանը։

«Ընդլայնված կազմով հանդիպումը ավարտվեց: Մեկնարկել է վարչապետ Նիկոլ Փաշինյանի և Ադրբեջանի նախագահ Իլհամ Ալիևի առանձնազրույցը»,–գրել է նա։

Նշենք, որ այսօր Վիեննայում կայացավ նաև վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը ԵԱՀԿ Մինսկի խմբի համանախագահներ Իգոր Պոպովի, Ստեֆան Վիսկոնտիի և Էնդրյու Շոֆերի, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկի մասնակցությամբ։ Հանդիպմանը ներկա են նաև երկու երկրների արտաքին գործերի նախարարներ Զոհրաբ Մնացականյանն ու Էլմար Մամեդյարովը։

Փաշինյան–Ալիև հանդիպումն ավարտվեց. որքա՞ն տևեց հանդիպումը

Նշենք, որ Նիկոլ Փաշինյանը մարտի 28-29-ին աշխատանքային այցով մեկնել է Ավստրիայի Հանրապետություն:ԵԱՀԿ Մինսկի խմբի համանախագահ երկրների նախաձեռնությամբ` Վիեննայում Նիկոլ Փաշինյանը հանդիպում է ունենում Ադրբեջանի նախագահ Իլհամ Ալիևի հետ: Նշենք  նաև, որ ԱԺ–ում կառավարության ծրագրի կատարման ընթացքի զեկույցը ներկայացնելիս Փաշինյանն ասել էր, որ Ադրբեջանի նախագահի հետ սկզբնական փուլում հանդիպումները պետք է օրակարգ չունենան, այլ պետք է լինի հարցերի լայն շրջանակ և պետք է մտքեր փոխանակվեն տարբեր հարցերի վերաբերյալ։

«Ընդհանուր առմամբ` կարող եմ կանխատեսել, որ քննարկումները կլինեն նախկինում հնչած հայտարարությունների շրջանակներում»,–նշել էր Փաշինյանը։Հիշեցնենք նաև, որ սա Փաշինյանի ու Ալիևի հինգերորդ հանդիպումն է։ Առաջին անգամ նրանք հանդիպել են 2018 թվականի հունիսի 14–ին Մոսկվայում Ֆուտբոլի աշխարհի առաջնության բացման արարողության ժամանակ։ ՌԴ նախագահ Վլադիմիր Պուտինը ծանոթացրել է նրանց։

Երկրորդ հանդիպումը կայացել է 2018 թվականի սեպտեմբերի 28–ին Դուշանբեում ԱՊՀ գագաթնաժողովի ժամանակ։ Առաջնորդները կարճատև զրույց էին ունեցել, որի ընթացքում որոշվել էր օպերատիվ կապ հաստատել։ Երրորդ հանդիպումը տեղի է ունեցել 2018 թվականի դեկտեմբերի 7–ին Սանկտ Պետերբուրգում։ Նիկոլ Փաշինյանն ու Իլհամ Ալիևը զրուցել էին ԱՊՀ երկրների առաջնորդների ոչ պաշտոնական գագաթնաժողովի շրջանակում։ Չորրորդ հանդիպումը կայացել էր 2019 թվականի հունվարի 22–ին Դավոսում։ ՀՀ վարչապետը տնտեսական համաժողովի ժամանակ հերթական ոչ պաշտոնական հանդիպումն էր ունեցել Ադրբեջանի նախագահի հետ։ Վիեննայի այս հանդիպումը նրանց առաջին պաշտոնական հանդիպումն է։

թեմա:
Ղարաբաղյան հակամարտություն (212)

Ըստ թեմայի

Բոլտոնը Ալիևի հետ քննարկել է ղարաբաղյան հիմնախնդիրը
Ալիևի հետ հանդիպումներից հետո Փաշինյանը փոխել է Արցախի վերաբերյալ դիրքորոշումը. փորձագետ
Լռություն Արցախում. Փաշինյանը հիմա ավելի պատրաստված է Ալիևի հետ բանակցություններին
թեգերը:
Իլհամ Ալիև, Արցախ, Նիկոլ Փաշինյան, Հայաստան, ԵԱՀԿ Մինսկի Խումբ, Ադրբեջան

Գլխավոր թեմաներ