20:47 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Արմեն Աշոտյան

ԵՄ-Ադրբեջան Համագործակցության նիստից հետո Աշոտյանը հարցեր ունի Փաշինյանին և Մնացականյանին

© Sputnik / Asatur Yesayants
Աշխարհ
Ստանալ կարճ հղումը
64 0 0

Աշոտյանը կարծում է, որ առկա տեմպերով և աշխատանքի ցածր որակով պայմանավորված՝ Հայաստանը կարող է կորցնել այն առավելությունը, որ ուներ 2017 թվականի նոյեմբերին։

ԵՐԵՎԱՆ, 5 ապրիլի — Sputnik. Երեկ Բրյուսելում Մոգերինի-Մամեդյարով համանախագահությամբ տեղի է ունեցել ԵՄ-Ադրբեջան Համագործակցության խորհրդի նիստը, որի արդյունքները պետք ուշադրության արժանանան նաև Հայաստանում։

Այս կարծիքին է ՀՀԿ փոխնախագահ Արմեն Աշոտյանը։ Նա ֆեյսբուքյան իր էջում համարակալած ներկայացրել է իր մտահոգություններն ու հարցեր ուղղել ՀՀ վարչապետին և ՀՀ արտգործնախարարին։

«1. Ինչպես մի քանի անգամ նշել եմ, նախապատրաստվում է ԵՄ-Ադրբեջան նոր համաձայնագիրը, որը, կողմերի հավաստմամբ, կնախաստորագրվի հենց այս Եվրահանձնաժողովի օրոք։ Շեշտեմ, որ մեզ համար կարևոր է, թե ի՞նչ ձևակերպում է տրված Արցախի հիմնախնդրի կարգավորմանը և արդյո՞ք այն համահունչ է Հայաստանի հետ կնքած համաձայնագրին։ ԱԳՆ-ից մինչ այսօր սպասում ենք արձագանքի։

2. Ինչպես և կանխատեսում էի, ԵՄ-ն մեղմում է իր վերաբերմունքն Ադրբեջանում մարդու իրավունքների խնդիրներին: Գլոբալ շահերը դառնում են էլ ավելի կարևոր, ուստի մեր վարչապետին ասեք, որ հույսը շատ չդնի ժողովրդավարական կռվանի վրա։

3. ԵՄ-ն դրական է վերաբերվել Փաշինյան-Ալիև վերջին հանդիպմանը և կոչ է արել արագ իրականացնել այնտեղ ձեռքբերված համաձայնությունները՝ մարդասիրական և բնակչությանը խաղաղության նախապատրաստելու գծով։ Համաձայնեք, որ այստեղ մենք հստակ հարցեր ունենք վարչապետին, թե կոնկրետ ի՞նչ են պայմանավորվել Վիեննայում։

4. Ադրբեջանական գազի ԵՄ մատակարարման հարցը մշտապես ուշադրության կենտրոնում է։ Հիշեցնեմ, որ այն նախատեսված է 2020 թվականից և Հայաստանի համար խնդիրներ կստեղծի հատկապես Հարավային Եվրոպայում ու Բալկաններում»,–գրել է Աշոտյանը։

ՀՀԿ փոխնախագահը ցավով հավելել է, որ առկա տեմպերով և աշխատանքի ցածր որակով պայմանավորված՝ Հայաստանը կարող է կորցնել այն առավելությունը, որ ուներ 2017 թվականի նոյեմբերին։

Դրանից խուսափելու համար նա խորհուրդ է տվել անցնել իրական բարեփոխումների, ակտիվացնել դիվանագիտական, այդ թվում՝ խորհրդարանական, աշխատանքը։

Ըստ թեմայի

Մեծ փողեր Հայաստանի համար. ո՞ւր կգնան Եվրամիության 60 միլիոն եվրո դրամաշնորհային միջոցները
ՀՀ կառավարության փոփոխությունը ԵՄ–ի ծրագրերի վրա չի անդրադարձել. Եվրամիության դեսպան
Բաղդասարյան. «Հայաստանի նկատմամբ Եվրամիության վերաբերմունքը դրական է, բայց նաև զգուշավոր»
թեգերը:
Զոհրաբ Մնացականյան, Նիկոլ Փաշինյան, Արմեն Աշոտյան, Եվրամիություն, Ադրբեջան, Հայաստան

Գլխավոր թեմաներ