05:10 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Կոնգրես

Հայոց Ցեղասպանութեան ճանաչումը ԱՄՆ-ի արտաքին քաղաքականութեան մէջ նոր էջ կը բանայ

© Sputnik / Михаил Палинчак
Աշխարհ
Ստանալ կարճ հղումը
Sputnik Արմենիան` արևմտահայերենով (104)
15210

ԱՄՆ 70 քոնկրէսական միացած է Շիֆի եւ Պիլիրակիսի` Հայոց ցեղասպանութեան վերաբերեալ նոր բանաձեւ ներկայացնելու նախաձեռնութեան

ԵՐԵՒԱՆ, 9 ապրիլի-Sputnik. Հայոց Ցեղասպանութեան 104-րդ տարելիցին ընդառաջ ամերիկացի քոնկրէսականներ Ատամ Շիֆին ու Կաս Պիլիրակիսին միացած է Քոնկրէսի Ներկայացուցիչներու պալատի աւելի քան 70 անդամ` ներկայացնելով Հայոց ցեղասպանութեան վերաբերեալ նոր բանաձեւ, որուն նպատակն է ԱՄՆ քաղաքականութեան մէջ հետեւեալ դրոյթներու ամրագրումը.

1.       Հայոց ցեղասպանութեան հերքման մերժում,

2.       ԱՄՆ կառավարութեան կողմէ այս յանցանքի պաշտօնական ճանաչում եւ ոգեկոչում,

3.       Ժամանակակից աշխարհի մէջ նման յանցանքները կանխելու նպատակով Հայոց Ցեղասպանութեան թեմայի վերաբերեալ ուսուցում կազմակերպելու կարեւորութեան գիտակցում:

ԱՄՆ Հայ դատի յանձնախումբի գործադիր տնօրէն Արամ Համբարեան ողջունած է քոնկրէսականներու երկկուսակցական նախաձեռնութիւնը` կարեւոր համարելով յատկապէս այն, որ ԱՄՆ ապագայ սերունդները պէտք է կրթութեան միջոցով տեղեկանան հայերու դէմ կազմակերպուած յանցագործութեան փաստերուն մասին: Այս մասին ինչպէս կը յայտնեն ԱՄՆ Հայ դատի յանձնախումբէն:

Քոնկրէսական Ատամ Շիֆ, խօսելով բանաձեւի մասին, նշած է, որ աւելի քան 100 տարի առաջ Օսմանեան կայսրութեան իրականացուցած եւ 1,5 միլիոն հայու կեանք խլած ցեղասպանութիւնը «սոսկ անցեալի փաստ չէ, այլ ներկայի առկախուած սպառնալիք»:

«Անոր հերքումը ոչ միայն շարունակական վիրաւորանք է փրկուածներուն համար, այլեւ մէկ այլ ժողովուրդի դէմ ցեղասպանութեան կրկնութեան վտանգ: Աւելի կարեւոր կը դառնայ Քոնկրեսի կողմէ Հայոց Ցեղասպանութեան` որպէս պատմական փաստի ճանաչումը», ըսած է Ատամ Շիֆ:

Անոր գործընկեր Կաս Պիլիրակիս իր հերթին նշած է, որ «Ցեղասպանութիւնը ոչ թէ պէտք է հերքել, այլ ընդունիլ որպէս մարդկութեան համար պատուհաս»:

«Հայոց Ցեղասպանութեան պաշտօնական ճանաչումը ԱՄՆ-ի արտաքին քաղաքականութեան մէջ նոր ու համարձակ էջ կը բանայ: Գործող վարչակազմի հաստատուն առաջնորդութեամբ` ժամանակն է, որ Միացեալ Նահանգներ Թուրքիոյ` Հայոց Ցեղասպանութեան հերքման դէմ կանգնի»,-եզրափակած է քոնկրէսականը:

թեմա:
Sputnik Արմենիան` արևմտահայերենով (104)

Ըստ թեմայի

Դրամը կ'արժեզրկուի՞. Կը մեկնաբանէ Հայաստանի Կեդրոնական դրամատունը
Ծանր է, երբ Կուռիարանի նման բարեկամ մը կը հեռանայ… կրկնակի ծանր, որ կը հեռանայ աննկատ
Երբ հարսը «պատանդ կը մնայ», մինչեւ փեսան գումարը ճարէ․ պարտքով երջանկանալու նուրբ արուեստը
թեգերը:
Ցեղասպանություն, Հայաստան, Թուրքիա, Ամերիկայի Միացյալ Նահանգներ

Գլխավոր թեմաներ