ԵՐԵՎԱՆ, 10 ապրիլի — Sputnik. Ռուս սուպերմոդել և դերասանուհի Իրինա Շեյքը նկարահավել է Jean Paul Gaultier–ի Scandal նոր օծանելիքի գովազդային հոլովակում։
Շեյքը հայտնվում է բարձրաշխարհիկ հասարակությունում բաց հագուստով և հանդուգն կերպով անցնում ամբողջ դահլիճով։
Հատկանշական է, որ որպես հոլովակի երաժշտություն ընտրել են Արամ Խաչատրյանի «Դիմակահանդես» բալետից հայտնի վալսը։
«Սկանդալ Փարիզում» բույրը Scandal–ի երրորդ տարբերակն է։
Իրինա Շայխլիսլամովան ծնվել է 1986թ.–ին Չելյաբինսկի մոտ գտնվող Եմանժելինսկ քաղաքում։ Նրա ընտանիքն աղքատ է եղել. հայրն աշխատել է հանքում, մայրը դաշնամուրի ուսուցիչ է եղել։ Նա շատ բաների միջով է անցել` մոդելային կարիերայում կայանալու համար։
Այսօր Իրինան միջազգային մակարդակի մոդել է։ Աղջիկը հայտնի է դարձել Ռուսաստանի սահմաններից դուրս և նույնիսկ հասցրել նվաճել հոլիվուդյան դերասան Բրեդլի Կուպերի սիրտը։ 2016թ.–ին ծնվել է նրանց դուստրը` Լեա դե Շեյն Շեյք–Կուպերը։
