ԵՐԵՎԱՆ, 11 ապրիլի — Sputnik. Սուդանում պետական հեղաշրջում է տեղի ունեցել։ Այս մասին հայտնում է արաբական «Ալ Մայադին» հեռուստաընկերությունը։
Նշվում է, որ նախագահական պալատը շրջապատված է զինվորներով և զրահատեխնիկայով։
Որոշ տվյալներով` զինվորականները վաղ առավոտյան զավթել են Սուդանի պետական հեռուստաընկերությունն ու ռադիոն և ընդհատել հեռարձակումը։
Ալ Հադաս հեռուստաընկերությունն էլ հայտնում է, որ շուտով հանրապետության ռազմական ղեկավարության ներկայացուցիչները կարևոր հայտարարություն կանեն այդ մասին։
Քաղաքացիներին հորդորում են տներից դուրս գալ խիստ անհրաժեշտության դեպքում։
