03:48 16 հունիսի 2019
Ուղիղ եթեր
  • USD478.40
  • GBP605.13
  • EUR539.06
  • RUB7.43
Մոնրեալ

Մոնթրէալի մէջ Ապրիլ 24-ը հռչակեցին Հայոց Ցեղասպանութեան յիշատակման օր

© Sputnik / Сергей Субботин
Աշխարհ
Ստանալ կարճ հղումը
Sputnik Արմենիան` արևմտահայերենով (206)
132 0 0

Մոնթրէալի քաղաքապետարանը 15 Ապրիլ 2019-ին, յայտարարութիւն մը հրապարակեց Հայոց ցեղասպանութեան 104-ամեակի յիշատակման օրուան առնչութեամբ:

ԵՐԵՒԱՆ, 17 ապրիլի-Sputnik. Մոնթրէալի քաղաքապետարանը 15 Ապրիլ 2019-ին, յատուկ նիստի մը ընթացքին հրապարակեց յայտարարութիւն մը Հայոց ցեղասպանութեան 104-ամեակի յիշատակման օրուան առնչութեամբ, որուն մէջ կը նշուի, թէ 1915-1916 թուականներուն տեղի ունեցած Հայոց Ցեղասպանութիւնը 20-րդ դարու առաջին ցեղասպանութիւնն էր, որուն զոհ գացին հայ ժողովուրդին երկու երրորդը: Վերոնշեալ նիստին ներկայ էին Մոնթրէալի Հայ Դատի յանձնախումբի պատուիրակութիւնը եւ Գանատայի մօտ ՀՀ հիւպատոս պրն. Արա Մկրտչեան։Այս մասին կը հաղորդէ «Հորիզոն»-ը:

Յայտարարութեան մէջ կը յիշուի, թէ 1997 թուականէն սկսեալ Մոնթրէալի քաղաքապետարանը ամէն տարի վաւերացուցած է բանաձեւ մը, որոնց մէջ դատապարտած է մէկուկէս միլիոն հայերու տեղահանութիւնը, ջարդը եւ վերապրողներու խզումը իրենց պապենական հողերէն: Մինչ 28 Նոյեմբեր 2003-ին Քեպէգի քաղաքապետարանը Ապրիլ 24-ը այնուհետեւ յայտարարեց Հայոց Ցեղասպանութեան յիշատակման օր:

Նշեալ յայտարարութեան մէջ կը յիշատակուի նաեւ, թէ Մոնթրէալի մէջ կը բնակին 50 000 հայեր, որոնք, որպէս հայ համայնք, իրենց մասնակցութիւնը կը բերեն քաղաքի մշակութային, տնտեսական, ընկերային եւ քաղաքական կեանքին:

Ահունցիք-Քարթիէրվիլ շրջանի քաղաքապետ Էմիլի Թուիէի առաջարկով եւ Մոնթրէալի քաղաքապետ Վալերի Փլանթի վաւերացումով 24 Ապրիլ 2019-ը կը յայտարարուի որպէս Մոնթրէալի մէջ Հայոց Ցեղասպանութեան յիշատակման օր եւ կոչ կ՚ուղղուի մոնթրէալցիներուն՝ յարգանքի տուրք մատուցել Ցեղասպանութեան զոհերուն՝ հաստատելու համար մոնթրէալցիներուն համերաշխութիւնը հայ ժողովուրդին հետ:

թեմա:
Sputnik Արմենիան` արևմտահայերենով (206)

Ըստ թեմայի

Ծանր է, երբ Կուռիարանի նման բարեկամ մը կը հեռանայ… կրկնակի ծանր, որ կը հեռանայ աննկատ
Երեւանը անապատ կը դառնա՞յ, թէ՞ քաղաքապետարանը կը պայքարի օլիկարխներու կառուցածին դէմ
Հայոց Ցեղասպանութեան ճանաչումը ԱՄՆ-ի արտաքին քաղաքականութեան մէջ նոր էջ կը բանայ
թեգերը:
Ցեղասպանություն

Գլխավոր թեմաներ