22:56 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Փարիզի Աստվածամոր տաճար

Փարիզի այրված տաճարի համար 2 օրում ավելի քան 1 միլիարդ եվրո է հավաքվել. ով ինչքան է տվել

© Sputnik / Доминик Бутен
Աշխարհ
Ստանալ կարճ հղումը
310 0 0

Հիմնականում գումարներ են տվել խոշոր ընկերություններն ու գործարարները։

ԵՐԵՎԱՆ, 17 ապրիլի — Sputnik. Փարիզի Աստվածամոր տաճարի վերականգնման համար նվիրաբերված գումարը երկու օրում հատել է 1 միլիարդ եվրոյի սահմանը։ Այս մասին հայտնում է Le Parisien պարբերականը։

Ըստ պարբերականի` գումարները հիմնականում փոխանցում են խոշոր ընկերություններն ու գործարարները, ինչպես նաև չորս հասարակական հիմնադրամները, որոնք ընտրել է Ֆրանսիայի մշակույթի նախարարությունը։

Ֆրանսիայի մշակույթի նախարար Ֆրանկ Ռիեստերը Twitter-ում հայտնել է նաև, որ կայք է գործարկվել, որտեղ կարելի է նվիրաբերություններ անել տաճարի վերականգնման համար Նախարարը թվարկել է վստահելի առցանց հարթակները և իր բաժանորդներին հորդորել նվիրատվություններ անել։

Ով ինչքան է նվիրաբերել

Artemis ընկերության սեփականատերերը` Պինո ընտանիքը, 100 միլիոն եվրո է տրամադրել տաճարի վերականգնման համար։ 100 միլիոն եվրո է տրամադրել Total նավթի ու գազի ընկերությունը։

Ֆրանսիացի գործարար Բեռնար Արնոյի ընտանիքն ու Louis Vuitton Moët Hennessy (LVMH) ընկերությունների խումբը խոստացել են 200 միլիոն տրամադրել։ Նույնքան գումար է փոխանցել նաև LʼOreal կոսմետիկայի ընկերությունն ու սեփականատեր Բետանկուր ընտանիքը։

Տասական միլիոն դրամ են տրամադրել Մարտեն և Օլիվիե Բուիգները Bouygues խմբից, JCDecaux Group, Societe Generale ընկերություններն ու Մարկ Լադրեն Fimalac հոլդինգից, գրում է ՌԲԿ–ն։

ՅՈւՆԵՍԿՕ–ն, Եվրամիությունը, ինչպես նաև առանձին երկրները նույնպես պատրաստ են աջակցել այս հարցում։ Ռուսաստանում Ֆրանսիայի դեսպանատունը պատրաստվում է հաշվեհամար հրապարակել, որին հնարավոր կլինի գումար փոխանցել։

Sputnik Արմենիան ավելի վաղ տեղեկացրել էր, որ ապրիլի 15-ին, Փարիզի ժամանակով 18.30 Աստվածամոր տաճարում միացել է հրդեհի մասին տեղեկացնող ազդանշանային համակարգը։ Տաճարում գտնվող մարդիկ տարհանվել են։ Հրդեհի հետևանքով ամբողջությամբ այրվել ու փլուզվել են տաճարի աշտարակը և տանիքը:

Տաճարը սկսել են կառուցել 1163 թ. Սուրբ Ստեփանոսի բազիլիկ եկեղեցու տեղում: Բազիլիկ տաճարի կառուցումը տևել է մոտ 200 տարի: Ֆրանսիայի նախագահ Էմանուիլ Մակրոնը հայտարարել էր, որ տաճարը կվերանորոգեն առաջիկա հինգ տարիների ընթացքում:

Ըստ թեմայի

Կարծես սրբերը գիտեին, 3 օր առաջ Փարիզի Աստվածամոր տաճարից իջեցվել էին քանդակները. Սարգսյան
Զոհրաբ Մնացականյանն այցելել է հրդեհված Նոտր Դամ
Փաշինյանը գրել է Փարիզի Աստվածամոր տաճարում բռնկած հրդեհի մասին

Գլխավոր թեմաներ