21:05 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ցեղասպանության թանգարան

Լիպիոյ ժամանակաւոր կառավարութիւնը կը ճանչնայ Հայոց ցեղասպանութիւնը

© AFP 2018 / KAREN MINASYAN
Աշխարհ
Ստանալ կարճ հղումը
Sputnik Արմենիան` արևմտահայերենով (229)
14910

Լիպիոյ մէջ այսուհետեւ ամէն տարի 24 Ապրիլին Հայոց ցեղասպանութեան զոհերուն յիշատակը պիտի ոգեկոչուի։

ԵՐԵՒԱՆ, 20 ապրիլի - Sputnik. Լիպիոյ արեւելեան շրջանի ժամանակաւոր կառավարութեան նախարարներու խորհուրդը որդեգրեց միջազգային յարաբերութիւններու եւ արտաքին գործոց նախարար Ապտուլ Հատի ալ Հուէյճի առաջարկը` ընդունելով 1915-ին, Օսմանեան Կայսրութեան կողմէ իրագործուած Հայոց ցեղասպանութիւնը: Այս մասին կը տեղեկացնէ Լիպիական «Ալ-Այն» կայքը:

Կառավարութիւնը մամլոյ հաղորդագրութեամբ մը յայտնեց, որ ներկայիս Լիպիոյ նախարարներու խորհուրդի օրէնսդրական տնօրէնութիւնը աշխատանք կը տանի բանաձեւելու որոշում մը, որուն համաձայն, Լիպիոյ մէջ այսուհետեւ ամէն տարի 24 Ապրիլին Հայոց ցեղասպանութեան զոհերուն յիշատակը պիտի ոգեկոչուի։

Արաբական «Ալ Այն» կայքը կ’աւելցնէ , որ հայերը կը հաստատեն մէկ ու կէս միլիոն իրենց նախնիներու սպանութիւնը մինչեւ Օսմանեան կայսրութեան փլուզումը, իսկ այդ ցեղասպանութեան հարցը աւելի քան 20 երկրի պատմաբաններ փաստած են, ինչպէս Ֆրանսայի, Իտալիոյ եւ Ռուսաստանի մէջ:

Վերջին տարիներուն հայերու կոտորածներուն վերաբերեալ միջազգայի հարթակի վրայ խոստովանութիւնները կը շարունակուին, պնդելով, որ Օսմանեան կայսրութեան կողմէ կատարուած այդ կոտորածները մարդկութեան դէմ ուղղուած յանցագործութիւն են: ԱՄՆ-ի 48 նահանգները եւ աւելի քան 30 երկիրներու եւ միջազգային կազմակերպութիւններ խոստովանած են, ինչպէս նաեւ Վատիկանի մէջ բացած են Հայոց ցեղասպանութեան վերաբերող արխիւները:

Կայքը կը շեշտէ, որ փորձագէտներու համոզմամբ Գերմանիոյ խորհրդարանին կողմէ Հայոց ցեղասպանութեան ճանաչումը ամենամեծ ապացոյցն է, յատկապէս որ Պեռլինը Առաջին Համաշխարհային պատերազմին Անգարայի հիմնական դաշնակիցն էր, եւ Գերմանիան ունի Օսմանեան կայսրութեան բոլոր գաղտնիքները:

թեմա:
Sputnik Արմենիան` արևմտահայերենով (229)

Ըստ թեմայի

Պերեճիքլեան ելոյթ կ’ունենայ Սիտնիի մէջ Հայոց ցեղասպանութեան նուիրուած ձեռնարկին
Փարիզի Աստուածամօր տաճարին հրդեհին առիթով՝ Էվընզ կը յիշէ հայկական եկեղեցիներու կորուստը
Կը հանդիպինք Հայոց ցեղասպանութեան յիշատակի օրը. ֆրանսացի պատգամաւորը` Չաւուշօղլուին

Գլխավոր թեմաներ