02:22 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Վլադիմիր Զելենսկին կնոջ` Ելենայի հետ

Ո՞վ է նա. Ուկրաինայի ապագա առաջին տիկինը` Ելենա Զելենսկայան, պատմել է իր և ամուսնու մասին

© Sputnik / Stringer
Աշխարհ
Ստանալ կարճ հղումը
54120

Ուկրաինայում նախագահական ընտրությունների երկրորդ փուլի ձայների ավելի քան 70%–ը հավաքած Զելենսկին շուտով կփոխարինի Պորոշենկոյին երկրի ղեկավարի պաշտոնում։ Իսկ նրա հիանալի տիկինը` Ելենան, առաջին տիկին կդառնա։ Ո՞վ է Ելենա Զելենսկայան։

ԵՐԵՎԱՆ, 22 ապրիլի — Sputnik. Ուկրաինայի նախագահի պաշտոնը ստանձնող Վլադիմիր Զելենսկին հայտնի երգիծաբան է, որը հետխորհրդային երկրների բնակիչներին հայտնի է որպես ՈւՀԱ–ի թիմերից մեկի մասնակից։ Բայց նրա կնոջ` Ելենայի մասին, որը շուտով առաջին տիկին կդառնա, շատերը ոչինչ չգիտեն։ ICTV հեռուստաալիքը հրապարակել է Ելենա Զելենսկայայի կենսագրությունը։

Кандидат в президенты от партии Слуга народа Владимир Зеленский с супругой Еленой во время дебатов с действующим президентом Украины, кандидатом в президенты Петром Порошенко в НСК Олимпийский (19 апреля 2019). Киев
© Sputnik / Stringer
Վլադիմիր Զելենսկին կնոջ` Ելենայի հետ

Ելենան ծնվել է 1978 թվականի փետրվարին Կրիվոյ Ռոգում։ Նա և Վլադիմիր Զելենսկին սովորել են նույն դպրոցում, զուգահեռ դասարաններում։ Սակայն սկսել են շփվել միայն այն ժամանակ, երբ արդեն տարբեր բուհերի ուսանողներ էին։ Զելենսկայան գերազանցությամբ ավարտել է Կրիվոյ Ռոգի տեխնիկական համալսարանի շինարարության ֆակուլտետը, բայց երբեք մասնագիտությամբ չի աշխատել։

Նրանք ամուսնացել են 2003 թվականին։ Ներկայումս Ելենան իր ամուսնու սեփականությունը հանդիսացող «Квартал-95» հումորային ստուդիայի ղեկավարն է։ Ամուսնու հարկային հայտարարագրի համաձայն` Ելենային է պատկանում ընկերության 0,01%–ը։ Այդ նույն հայտարարագրի տվյալների համաձայն` Զելենսակային է պատկանում նաև ձկնամթերքի մշակման և պահածոյացման ընկերության 25%–ը։

Քաղաքականության մեջ նորեկ Զելենսկու կինը ստանձնելու է պետության առաջին տիկնոջ պատասխանատու դերը, որին նա, իր իսկ խոստովանությամբ, դեռ պատրաստ չէ։

Երկու երեխաների (14-ամյա Ալեքսանդրայի և 5 տարեկան Կիրիլի) մայրը սկզբում «խիստ դեմ» էր, որ իր ամուսինը թեկնածությունը դնի Ուկրաինայի նախագահի պաշտոնին, սակայն, գիտակցելով, որ վերջինս հստակ որոշել է անելիքը, չի առարկել։ Զելենսկայան հույս ունի, որ Վլադիմիրը Ուկրաինայի նախագահի պաշտոնին կկարողանա իրականացնել այն, ինչը խոստացել է նախընտրական արշավի ժամանակ։

Նոր առաջին տիկինն ասել է, որ երբեք կուռքեր չի ունեցել։ Սակայն 60 տարեկանում կցանկանար այնպիսի տեսք ունենար, ինչպեսին ունի Մերիլ Սթրիփը։

Кандидат в президенты от партии Слуга народа Владимир Зеленский с супругой Еленой во время голосования на одном из участков города в день второго тура выборов президента Украины (21 апреля 2019). Киев
© Sputnik / Stringer
Վլադիմիր Զելենսկին կնոջ` Ելենայի հետ

Ուկրաինայի նախագահական ընտրությունների երկրորդ փուլը կայացել է երեկ` ապրիլի 21–ին։ Քաղաքացիներն ընտրության 2 հնարավորություն են ունեցել` ներկայիս նախագահ Պյոտր Պորոշենկոն ու առաջին փուլի առաջատար Վլադիմիր Զելենսկին։ ԿԸՀ–ի տվյալով` Զելենսկին հաղթել է նաև երկրորդ փուլում` ստանալով ընտրողների քվեների ավելի քան 73%–ը։

Ըստ թեմայի

Պյոտոր Պորոշենկոն ընդունել է պարտությունը Ուկրաինայի նախագահի ընտրությունների 2-րդ փուլում

Գլխավոր թեմաներ