17:04 22 հունիսի 2021
Ուղիղ եթեր
  • USD513.07
  • GBP711.63
  • EUR609.73
  • RUB7.01
Աշխարհ
Ստանալ կարճ հղումը
596 0 0

Ամերիկահայ գիտնականն իր թիմի հետ կարողացել է արհեստական անոթներ ու թոքաբշտիկներ տպել սննդի ներկի օգնությամբ։

ԵՐԵՎԱՆ, 5 մայիսի — Sputnik. Հյուսթոնում Ռայսի համալսարանի գիտնականները կարողացել են սննդի ներկերի ու 3D տպագրության միջոցով արհեստական թոքաբշտիկներ ու անոթներ ստեղծել։ Այս գյուտի մասին հոդվածը հրապարակվել է 3dprintingindustry մասնագիտական ամսագրում։

Արհեստական հյուսվածքների և օրգանների 3D տպագրությամբ զբաղվող մասնագետները ստիպված են լուծել արյունատար անոթների ու շնչուղիների անալոգների պատրաստման խնդիրը։

Երիտասարդ ամերիկահայ գիտնական Բագրատ Գրիգորյանն ու նրա գործընկերները որոշել են օգտագործել կլանող այնպիսի նյութ, որը թույլ կտա օգտագործել ստերեոլիտոգրաֆիան բարդ կենսաբանական կազմությունների տպագրության համար, բայց միաժամանակ թունավոր չլինի։

«Կարծում ենք՝ առաջիկա քսան տարվա մեջ մարդկությունը կանցնի 3D պրինտերներով օրգանների տպագրության», - նշել է թիմի մասնակից Ջորդան Միլերը։

Գիտնականները վերլուծել են արդյունաբերության մեջ որպես սննդի ներկ օգտագործվող մի շարք միացությունների օպտիկական հատկություններն ու պարզել են, որ դրանցից երեքը կարող են օգտագործվել որպես լուսակլանիչ։ Դրանք են՝ սինթետիկ դեղին ներկը՝ E102 ինդեքսով, բնական դեղին ներկը՝ E100 ինդեքսով ու կարմրա-մանուշակագույնը՝ E163 ինդեքսով։ Բացի այդ՝ որպես կլանիչ պիտանի են նաև ոսկու կենսահամատեղելի նանոմասնիկները։

Ամենահամապատասխանը սինթետիկ դեղին ներկ տարտրազինն է։ Հոդվածում նշվում է, որ գիտնականները հետագա ուսումնասիրությունների համար հենց դա են օգտագործելու։

Արդյունքում տարտրազինի օգնությամբ տպվել ու լավ աշխատել էր 1 միլիմետր տրամագիծ ունեցող արյունատար անոթ։ Ապագայում գիտնականները պատրաստվում են այլ օրգաններ էլ ստեղծել։

Ըստ թեմայի

8 ժամ տևած վիրահատություն, որը կյանք է փրկել. մայրն ու աղջիկը միաժամանակ վիրահատվել են
Փրկել կյանք` մահից հետո. Հայաստանում դիակային փոխպատվաստում կիրականացնեն
Ինչ տեսք են ունեցել հին հայերը, և ինչով է վտանգավոր «կապուտաչյա տեսությունը»

Գլխավոր թեմաներ