ԵՐԵՎԱՆ, 25 մայիսի — Sputnik. Թբիլիսիի քաղաքապետ Կախա Կալաձեն այցելել է Թբիլիսիի Պետրոս Ադամյանի անվան պետական հայկական դրամատիկական թատրոնի կառուցվող նոր շենքի շինհրապարակ և ծանոթացել շինարարական աշխատանքներին։ Այս մասին հայտնում է Վրաստանում Հայաստանի դեսպանատունը։
Քաղաքապետը շնորհակալություն է հայտնել «Վրացական երազանք» կուսակցության առաջնորդ Բիձինա Իվանիշվիլիին, որին պատկանող «Քարթու» հիմնադրամը հանձն է առել հայկական թատրոնի նոր շենքի կառուցման աշխատանքների ֆինանսավորումը։
Նախատեսվում է, որ հայկական թատրոնի նոր շենքը պատրաստ կլինի 2020 թ․ դեկտեմբերին, կունենա 6403 ք/մ տարածք, և 607 հանդիսականի համար նախատեսված դահլիճ։ Նախագծի արժեքը 18 միլիոն լարի է։
Նշենք, որ նախապես որոշվել էր Հայկական թատրոնի շենքը վերանորոգել, սակայն շինարարական աշխատանքների մեկնարկից հետո պարզվել էր, որ վերանորոգումն անհնար է շենքի ծայրահեղ վատ վիճակում լինելու պատճառով։
Թբիլիսիի Պետրոս Ադամյանի անվան թատրոնի հյուրախաղին Երևանում ներկա է եղել ՀՀ վարչապետը
Դրանից հետո որոշվել էր հին շենքը քանդել և տեղում կառուցել նորը։
