ԵՐԵՎԱՆ, 9 հուլիսի — Sputnik, Արմենուհի Մխոյան. «Արդեն 20 տարի է այստեղ ենք, բայց նման սարսափելի երկրաշարժ չէինք տեսել»։ Sputnik Արմենիայի հետ զրույցում իր հույզերն է ներկայացնում ԱՄՆ Կալիֆոռնիա նահանգում բնակվող Սպիտակի երկրաշարժի ականատես գյումրեցի Սուսաննա Հարությունյանը։
Հիշեցնենք, որ հուլիսի 6-ին ԱՄՆ Կալիֆոռնիա նահանգում գրանցվել 7 բալ ուժգնությամբ երկրաշարժ, որն ուղեկցվել է հետցնցումներով։ Երկրաշարժի էպիկենտրոնը գտնվել է Լոս Անջելեսից 193 կմ հեռավորության վրա: Այն շատերին է ստիպել բնակարաններից դուրս փախչել:
«Դեռ հուլիսի 4-ին գրանցված երկրաշարժի վախը չէր անցել, երբ 2 օր անց ավելի ուժգին ցնցում գրանցվեց: Ահավոր էր: Թեև գիտենք, որ բնակարանները ապահով են՝ թեթև կոնստրուկցիաներով ու հատուկ ցնցման ուժը նվազեցնող ռետինե բարձիկներով, ամեն դեպքում, Սպիտակի երկրաշարժի վախը սրտներումս դուրս ենք եկել շենքից»,-ասում է տիկին Սուսաննան` ավելացվելով. «Ուր գնացինք էս երկրաշարժից պրծում չկա, բարեբախտաբար, զոհեր չեղան»:
Ինչպես կլուծվի բնակարանային հարցը աղետի գոտում. Վերմիշյանը նոր թվեր է ներկայացրել
Ըստ տվյալների` վերջին օրերի ընթացքում ԱՄՆ–ում տեղի ունեցած երկրաշարժերը վերջին 20 տարվա ամենաուժեղներն էին: Երկրաշարժի հետևանքով ավերածություններ ու հրդեհներ են առաջացել: Մոտ 2 տասնյակ մարդ թեթև վնասվածքներ են ստացել: Երկրաշարժից ամենաշատը տուժել է Ռիջքրեսթ քաղաքը:
