ԵՐԵՎԱՆ, 19 հուլիսի — Sputnik. Թուրքիայի Տրապիզոն նահանգում միջադեպ է եղել տեղի բնակիչների, ոստիկանության և իրաքյան Քրդստանից ժամանած զբոսաշրջիկների միջև։ Այս մասին հայտնում է ermenihaber.am–ը։
Տրապիզոն ժամանած զբոսաշրջիկները պարզել են Քրդստանի դրոշը և «Քրդստան» գրությամբ մի պաստառ, որից հետո տեղի բնակիչներից մեկը հարձակվել է նրանց վրա, խլել դրոշն ու պաստառը և բղավել. «Սա Թուրքիան է, այստեղ չե՛ք կարող Քրդստանի դրոշ ծածանել»:
Դեպքը տեղի է ունեցել Թուրքիայի Տրապիզոն նահանգի Չայքարա շրջանի Ուզունգյոլ թաղամասում:
Դեպքին միջամտած ոստիկանները նախ օդ են կրակել` փորձելով հանդարտեցնել իրավիճակը, այնուհետև բերման են ենթարկել իրաքցի զբոսաշրջիկներին։
Ավելի ուշ հայտնի է դարձել, որ Տրապիզոնի գլխավոր դատախազությունը որոշում է կայացրել Թուրքիայից վտարել Հյուսիսային Իրաքի քրդական ինքնավարությունից ժամանած 9-ը զբոսաշրջիկի:
Թուրքիան մեկուսանում է, Հայաստանը պիտի «ագրեսիվանա». ի՞նչ է փնտրում Երևանը «պղնձյա» կղզում
