20:30 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
ՆԱՏՕ–ի գրասենյակը Բրյուսելում

ՆԱՏՕ-ն անդրադարձել է Իրանի կողմից երկու լցանավերի զավթման դեպքին

© Sputnik / Алексей Витвицкий
Աշխարհ
Ստանալ կարճ հղումը
34 0 0

Հյուսիսատլանտյան դաշինքն իրանական զինված ուժերի գործողությունները համարում է «հստակ մարտահրավեր` նավագնացության միջազգային ազատության համար»:

ԵՐԵՎԱՆ, 21 հուլիսի – Sputnik. Հյուսիսատլանտյան դաշինքը դատապարտել է  Իրանի կողմից երկու լցանավերի բռնազավթումը և կոչ է արել  Իսլամական Հանրապետության իշխանություններին ազատ արձակել լցանավերն ու անձնակազմի անդամներին: Այս մասին հայտնում  է ՌԻԱ Նովոստին` հղում անելով ՆԱՏՕ-ի մամուլի քարտուղար Օանա Լունգեսկուին:

ՆԱՏՕ-ն իրանական զինված ուժերի գործողությունները դիտարկում է «նավարկության միջազգային ազատության համար հստակ մարտահրավեր»:

«Մենք դատապարտում ենք Հորմուզի նեղուցում երկու լցանավերի  զավթումը: Սա հստակ մարտահրավեր է նավարկության միջազգային ազատությանը: Մենք կոչ ենք անում Իրանին անհապաղ ազատ արձակել կալանված նավերն ու նրանց անձնակազմի անդամներին: Միացյալ Թագավորությունը, իր գործողություններով, պարզ հասկացրել է, որ իր առաջնահերթությունն է իրավիճակը կարգավորել երկխոսության և դիվանագիտության միջոցով: ՆԱՏՕ-ն աջակցում է այդ իրադրության կարգավորման բոլոր դիվանագիտական ջանքերին»,-ասված է հայտարարության մեջ, որը հրապարակվել Է ՆԱՏՕ-ի կայքում:

Հիշեցնենք, որ Հորմուզի նեղուցում Stena Impero բրիտանական լցանավը կալանքի տակ առնելու մասին հայտնի էր դարձել հուլիսի 19-ին: Իրանի իշխանությունները հայտարարել են, որ պատճառ է դարձել «միջազգային օրենքների խախտումը»:

թեգերը:
Ամերիկայի Միացյալ Նահանգներ, ՆԱՏՕ, Իրանի Իսլամական Հանրապետություն

Գլխավոր թեմաներ