22:09 12 նոյեմբերի 2019
Ուղիղ եթեր
  • USD477.40
  • GBP612.93
  • EUR526.81
  • RUB7.46
 Ալմազբեկ Աթամբաև

Ղրղըզստանի նախկին նախագահը հանձնվել է. նրա վրա շատ բան կարող են բարդել. Աթամբաևի փաստաբան

© Sputnik /
Աշխարհ
Ստանալ կարճ հղումը
108 0 0

Երկարատև բանակցություններից հետո նախկին նախագահը հանձնվել է ուժային կառույցներին։ Նրան խորհրդականներ` Ֆարիդ Նիյազովի և Կունդուզ Ժոլդուբաևայի ուղեկցությամբ Բիշքեկ են տարել։

ԵՐԵՎԱՆ, 8 օգոստոսի — Sputnik. Ղրղըզստանի նախկին նախագահ` Ալմազբեկ Աթամբաևի դեմ կարող են նոր քրեական գործեր հարուցել, ՌԻԱ Նովոստիին է հայտնել նրա փաստաբան Սերգեյ Սլեսարևը։

Ավելի վաղ երկարատև բանակցություններից հետո նախկին նախագահն ուժային կառույցներին էր հանձնվել։ Խորհրդականներ Ֆարիդ Նիյազովի և Կունդուզ Ժոլդուբաևայի ուղեկցությամբ նրան Բիշքեկ են տարել։

Պաշտպանը չի բացառում մի շարք նոր քրեական գործեր հարուցելու հավանականությունը, մասնավորապես, Քոյ–Թաշ գյուղում տեղի ունեցած բախումների փաստով։

«Ամեն ինչ հնարավոր է, տեսնո՞ւմ եք, թե ինչ է կատարվում։ Գուցե, դեռ շատ բաներ բարդեն։ Այժմ մենք պաշտպանելու ենք նրա իրավունքները դատական կարգով։ Չգիտեմ` ուր են նրան տարել։ Հավանաբար` Ազգային անվտանգության պետական կոմիտե։ Դե, ժամանակավոր մեկուսարան չէին տանի, չէ՞։ Թեև դատելով նրանից` ինչպես է զարգանում իրավիճակը, դժվար է ինչ-որ բան ենթադրելը», – հայտարարել է Սլեսարևը։

Հատուկջոկատայինները ներխուժել են Ղրղըզստանի նախկին նախագահի տուն. կան վիրավորներ. տեսանյութ

Օգոստոսի 7-ի երեկոյան Ղրղըզստանի հատուկ ծառայությունները սկսեցին նախկին նախագահ Ալմազբեկ Աթամբաևին ձերբակալելու գործողությունները Քոյ–Թաշ գյուղի նրա նստավայրում, որը գտնվում է մայրաքաղաքից 20 կմ հեռավորության վրա։ Նրանք նախկին առաջնորդի համախոհների դեմ հատուկ միջոցներ կիրառեցին։ Աթամբաևի համախոհները պատասխան կրակ են բացել։ Նախկին նախագահի համախոհների և հատուկջոկատայինների բախումների հետևանքով տուժածների թիվը հասել է 80–ի։ Հատուկջոկատայիններից մեկը զոհվել է։

Ըստ թեմայի

Նիկոլ Փաշինյանը մեկնում է Ղրղըզստան
թեգերը:
Ձերբակալում, Նախագահ, Ղրղըզստան

Գլխավոր թեմաներ