15:50 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Լցանավ. արխիվային լուսանկար

Սկանդալ լցանավի շուրջ. Ջիբրալթարն ու Իրանը հայտարարել են Grace–ի առաջիկա ազատման մասին

© Sputnik / Виталий Тимкив
Աշխարհ
Ստանալ կարճ հղումը
29 0 0

Ջիբրալթարի իշխանությունները հայտարարել են, որ այսօր արդեն լցանավը բաց կթողնեն։

ԵՐԵՎԱՆ, 13 օգոստոսի - Sputnik. Իրանական լցանավը, որը հուլիսի 4-ին ձերբակալվել էր Ջիբրալթարի նեղուցում բրիտանական զորքերի կողմից, առաջիկայում ազատ կարձակվի։ Ինչպես փոխանցում է Fars գործակալությունը, այս մասին այսօր՝ օգոստոսի 13-ին հայտնել է Իրանի նավահանգիստների և նավագնացության կազմակերպության փոխտնօրեն Ջալիլ Էսլամին։

Նրա խոսքով` Grace 1 լցանավը միջազգային ջրերում առաջիկայում կսկսի շրջել իրանական դրոշով։ Սակայն հստակ ժամկետ և այլ տեղեկություններ նավի ազատման մասին՝ չի նշել։

Էսլամին նաև նշել է, որ ի սկզբանե նավի ձերբակալումը ճիշտ քայլ չէր և ընդգծել է, որ ձերբակալումից հետո Իրանը սկսել է անհապաղ միջոցներ ձեռնարկել նրա ազատման համար։ Նա նաև պատմել է, որ երկրների միջև պաշտոնական և ոչ պաշտոնական փաստաթղթերի փոխանակում է տեղի ունեցել, միևնույն ժամանակ,  Էսլամին չի նշել այդ փաստաթղթերի բնույթը։

ինչպես հայտնում է ՌԻԱ Նովոստին, Ջիբրալթարի իշխանություններն իրենց հերթին հայտարարել են, որ Grace 1 նավը կազատվի այսօր, տեղի ժամանակով մինչ երեկո։

Հիշեցնենք, որ հուլիսի 4-ին բրիտանական ծովային հետևակն ու Ջիբրալթարի ոստիկանությունը ձերբակալել էին իրանական լցանավը Պիրենեյան թերակղզու հարավային ափում։

Ջիբրալթարի  գլխավոր նախարար Ֆաբիան Պիկարդոն հայտարարել էր, որ նավը նավթ էր տեղափոխում Սիրիա, իսկ դա Դամասկոսի նկատմամբ կիրառված ԵՄ պատժամիջոցների խախտում է։  Վաշինգտոնն իր հերթին ողջունել է այդ քայլը, բացատրելով դա նրանով, որ Եվրոպան աջակցում է Իրանի նկատմամբ ԱՄՆ միակողմանի պատժամիջոցները։

Իրանի ԱԳՆ-ն Լոնդոնի նման քայլը «ծովահենություն» է անվանել։ Թեհրանը մեղադրել է Մեծ Բրիտանիային Վաշինգտոնի հրահանգները կատարելու և Իսլամական պետությունից նավթի արտահանումը տապալելու մեջ։ Միևնույն ժամանակ, Թեհրանը հերքում է Լոնդոնի ենթադրություններն այն մասին, թե նավը Սիրիայի համար նավթ էր տեղափոխում։

Նավթային մագնատ Գյուլբենկյանը լցանավ չէր տեսել. ո՞ւմ էր «Պարոն 5%»–ը «դիագնոզ» տվել

Ըստ թեմայի

ՆԱՏՕ-ն անդրադարձել է Իրանի կողմից երկու լցանավերի զավթման դեպքին
Թուրքիայում ադրբեջանական նավթային լցանավ է պայթել
Եգիպտոսում ավելի քան 4,5 հազար տարեկան նավ են գտել
թեգերը:
Ջիբրալթար, Իրանի Իսլամական Հանրապետություն, լցանավ

Գլխավոր թեմաներ