15:52 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Աստղադիտարան

Բյուրականի և Թեյդեի աստղադիտարանները կհամագործակցեն. նախագահը պայմանավորվել է

© Sputnik / Asatur Yesayants
Աշխարհ
Ստանալ կարճ հղումը
Հայաստանի Հանրապետության 4-րդ նախագահը (114)
31 0 0

Թեյդե աստղադիտարանի գիտական գործունեությունն ընդգրկում է հիմնականում արևային ուսումնասիրությունների և ռոբոտատեխնիկական աստղագիտության ոլորտները:

ԵՐԵՎԱՆ, 14 օգոստոսի — Sputnik. Համագործակցության լուրջ հնարավորություններ կան հանրահայտ Թեյդեի ու Բյուրականի աստղադիտարանների միջև: Այս մասին ասել է ՀՀ նախագահ Արմեն Սարգսյանը` Իսպանիայի հանրահայտ Թեյդե աստղադիտարանի ղեկավարության հետ քննարկման ժամանակ։ Այս մասին տեղեկացնում է ՀՀ նախագահի մամուլի ծառայությունը։

Նշենք, որ Սարգսյանն աշխատանքային այցով Իսպանիայում է։

«Կուզեի ապագայում ավելի շատ հայեր ներգրավված լինեն գիտության և աստղագիտության ոլորտներում: Աստղագիտությունը միայն աստղադիտակ չէ, այլև նոր տեխնոլոգիաներ են, մաթեմատիկական մոդելավորում է: Մենք ունենք նախագահական նոր նախաձեռնություն, որը կոչվում է ATOM և ուղղված է ՀՀ–ում գիտության և տեխնոլոգիաների զարգացման»,–ասել է նախագահը։

Նրա խոսքով` ծրագրի շրջանակում նախատեսվում է ստեղծել գիտության ու տեխնոլոգիաների քաղաք, ինչի համար համագործակցելու են աշխարհի այնպիսի խոշոր տեխնոլոգիական ընկերությունների հետ ինչպիսիք են «Դասո Սիսթեմս»-ը, «Թալես»-ը, «Լեոնարդո»-ն, IBM-ը և այլն: Նա նշել է նաև, որ Հայաստանն ուրախ կլինի համագործակցել նաև Թեյդեի հետ:

Նախագահ Սարգսյանը Թեյդե աստղադիտարանի ղեկավարության հետ պայմանավորվածություն է ձեռք բերել մոտ օրերս փոխըմբռնման հուշագիր ստորագրելու՝ ուղղված Հայաստանի գիտատեխնոլոգիական հաստատությունների և Թեյդեի միջև փոխգործակցության զարգացմանը։

«Հայկական Սթոունհենջում» պեղումներ իրականացնելու համար նոր ծրագիր կմշակեն

Աշխարհի ամենահայտնի աստղադիտարաններից մեկը համարվող Թեյդե աստղադիտարանը՝ հարևան Լա Պալմա կղզու վրա գտնվող Roque de los Muchachos Observatory-ի հետ միասին, կառավարվում է Կանարյան աստղաֆիզիկայի ինստիտուտի կողմից, այն Եվրոպական հյուսիսային աստղադիտարանի (ENO) մաս է։ Թեյդե աստղադիտարանի գիտական գործունեությունն ընդգրկում է հիմնականում արևային ուսումնասիրությունների և ռոբոտատեխնիկական աստղագիտության ոլորտները: Այստեղ են կենտրոնացված նաև Եվրոպայի լավագույն արևային աստղադիտակները: Աստղադիտարանի՝ ավելի քան 50 հեկտար զբաղեցնող տարածքում տեղադրված են շուրջ 20 երկրի ավելի քան 60 գիտական հաստատությունների պատկանող արևային և գիշերային աստղադիտակներ:

թեմա:
Հայաստանի Հանրապետության 4-րդ նախագահը (114)
թեգերը:
Իսպանիա, աստղադիտակ, Բյուրականի աստղադիտարան, Նախագահ, Արմեն Սարգսյան

Գլխավոր թեմաներ