09:58 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Դևիդ Կոխ

ԱՄՆ-ում մահացել է միլիարդատեր Դևիդ Կոխը

© AFP 2018 / NICHOLAS KAMM
Աշխարհ
Ստանալ կարճ հղումը
58 0 0

Կոխը 79 տարեկան էր։ Մահվան պատճառը չի նշվում։ 2018 թվականի հուլիսին նա թողեց ընտանեկան ընկերությունում ղեկավար պաշտոնը առողջական խնդիրների պատճառով։

ԵՐԵՎԱՆ, 23 օգոստոսի — Sputnik. ԱՄՆ–ում մահացել է երկրի ամենահարուստ մարդկանցից մեկը` միլիարդատեր Դևիդ Կոխը։ Այս մասին հայտնում է Forbes–ը` հղում անելով Կոխի ընտանիքի ներկայացուցիչներին։

Կոխը կյանքից հեռացավ 79 տարեկանում, մահվան պատճառը չի նշվում։

Կոխը` Koch Industries–ի նախկին փոխնախագահն է, ինչպես նաև ԱՄՆ Հանրապետական կուսակցության հովանավորը։ 2018 թվականի հուլիսին նա հեռացավ պաշտոնից վատառողջ լինելու պատճառով։

Ընտանիքի հաղորդագրության մեջ խոսվում է Կոխի «անվերջ էրուդիցիայի» մասին, որի պատճառով հարազատները նրան «քայլող գուգլ» են անվանել, ինչպես նաև նրա անհագուրդ հետաքրքրասիրության և վարակիչ ծիծաղի մասին։

Հարազատները պատմում են, որ մանկական արկածների մասին նրա պատմություններն աշխուժացնում էին ընտանեկան ճաշկերույթները։ Ընտանիքը հիշեցրել է նաև Կոխի առատաձեռն լինելու մասին։ Նա աջակցում էր արվեստին, կրթական ծրագրերին և քաղցկեղին վերաբերող ուսումնասիրություններին։

Միլիարդատեր Ջեֆրի Էփշտեյնն ինքնասպանություն է գործել բանտում

2019 թվականի Forbes–ի միլիարդատերերի վարկանշային աղյուսակում Կոխը զբաղեցնում էր 11-րդ հորիզոնականը եղբոր` Չարլզի հետ միասին։ Նրանց էր պատկանում իրենց հոր հիմնադրած Koch Industries ընկերության մասնաբաժինները։ Ընկերությունը զբաղվում է նավթի վերամշակմամբ, պարարտանյութերի և ամենօրյա օգտագործման ապրանքների արտադրությամբ։

1980 թվականին Դևիդ Կոխը ԱՄՆ փոխնախագահի թեկնածու էր Լիբերտարիանական կուսակցությունից։

Ըստ թեմայի

Աշխարհի ամենահարուստ մարդը բաժանվում է կնոջից 25 տարվա ամուսնությունից հետո
Ռուսաստանի ամենահարուստ հայերը` Forbes–ի ցուցակում
Դանիայի ամենահարուստ մարդը 3 երեխային կորցրել է Շրի Լանկայի ահաբեկչությունների հետևանքով
թեգերը:
Մահ, Դևիդ Կոխ

Գլխավոր թեմաներ