11:38 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Նաֆթային օբյեկտ

Ամերիկացի սենատորն առաջարկել է հարձակվել Իրանի նավթային օբյեկտների վրա

© Sputnik / Алексей Даничев
Աշխարհ
Ստանալ կարճ հղումը
31 0 0

Ամերիկացի սենատորը կոչ է արել ԱՄՆ-ի իշխանությանը վճռական գործողություններ իրականացնել Իրանի դեմ՝ ի պատասխան Սաուդյան Արաբիայում նավթավերամշակող գործարաններում տեղի ունեցած միջադեպի։

ԵՐԵՎԱՆ, 15 սեպտեմբերի — Sputnik. ԱՄՆ-ի ղեկավարությունը պետք է քննարկի Իրանի նավթային օբյեկտների վրա հարվածների հնարավորությունն այն դեպքում, եթե Թեհրանը «շարունակի իր սադրանքները»։ Այս մասին հանրապետական սենատոր Լինդսի Գրեմը գրել է Twitter միկրոբլոգի իր էջում։

Ավելի վաղ ԱՄՆ-ի պետքարտուղար Մայք Պոմպեոն մեղադրել էր Իրանին դրոնով Սաուդյան Արաբիայի նավթամշակող գործարանների վրա հարձակում կատարելու մեջ։ Նա ասել էր, որ Թեհրանին դրա համար պատասխանատվության կենթարկեն։ Պոմպեոն խոստացել էր նավթի համաշխարհային շուկայի կայունացման համար պաշարներ տրամադրել։

ՌԻԱ Նովոստիի փոխանցմամբ՝ Իրանի ԱԳՆ-ն հերքել է իր հասցեին հնչեցրած Վաշինգտոնի մեղադրանքները։

«Իսլամական հեղափոխության պահապանների կորպուսն» (ԻՀՊԿ) ռազմատիեզերական ուժերի հրամանատար, բրիգադի գեներալ Ամիր Ալի Հաջիզադեն հիշեցրել էր, որ ԱՄՆ-ի երկու ռազմակայաններն ու մեկ նավը Մերձավոր Արևելքում իրանական զինվորականների թիրախում են, ու ռազմական գործողությունների դեպքում դրանց հարված կհասցվի։

«Մեր դիվանագետներին հաջողվել է շատ կարևոր հաղթանակ տանել». ԱՄՆ-Իրան հարաբերություններն ու Հայաստանը

Հիշեցնենք՝ լույս շաբաթ օրվա գիշերը Սաուդյան Արաբիայի երկու նավթավերամշակող գործարաններում անօդաչուների հարձակման հետևանքով հրդեհներ են բռնկվել, ինչ հետևանքով դադարեցվել է օրական 5,7 միլիոն բարել նավթի արտահանումը, որը գերազանցում է երկրում նավթի արտադրության կեսը։

Ընդունելի չէ, երբ մեր տարածքը լրտեսության նպատակով օգտագործում են 3-րդ երկրները. Ոսկանյան

Նշենք, որ ԱՄՆ–ի և Իրանի հարաբերությունները կտրուկ սրվել էին այն բանից հետո, երբ Վաշինգտոնը հայտարարեց «միջուկային գործարքից» դուրս գալու մասին։ Ամերիկայի իշխանությունը տնտեսական խիստ պատժամիջոցներ մտցրեց և շարունակում է ուժեղացնել ճնշումը։ Վաշինգտոնի նպատակը` Թեհրանի «վարքագիծը փոխելն» է։

 

Ըստ թեմայի

Հասան Ռոհանին հայտնել է` որ դեպքում ամերիկացիների հետ երկխոսության կգնա
Իրանը ներկայացրել է սեփական արտադրության «Բավար-373» զենիթահրթիռային համալիրը
Իրանը նոր հրթիռ է փորձարկել
Սպիտակ տունը թեկնածու է փնտրում Ջոն Բոլտոնի փոխարեն
թեգերը:
Մայք Պոմպեո, Թեհրան, հրդեհ, գործարան, նավթ, ԱՄՆ Կոնգրես, Իրանի Իսլամական Հանրապետություն

Գլխավոր թեմաներ