15:33 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Դիդ Հեյգ

Մահացել է Տարանտինոյի ֆիլմերում նկարահանված Սիդնեյ Մովսեսյանը

© AFP 2018 / Michael Buckner
Աշխարհ
Ստանալ կարճ հղումը
121 0 0

Թեև Մովսեսյանն ավելի քան 100 դեր է խաղացել տարբեր ֆիլմերում և սերիալներում, այդուհանդերձ նա ամենից շատ սիրում էր նկարահանվել սարսափ ֆիլմերում և թրիլերներում։

ԵՐԵՎԱՆ, 23 սեպտեմբերի — Sputnik. ԱՄՆ–ում մահացել է դերասան և պրոդյուսեր Սիդ Հեյգը (իսկական անունը` Սիդնեյ Էդդի Մոսեսյան)։ Instagram–ի իր էջում այս մասին հայտնել է նրա կինը` Սյուզենը։ Հեյգը 80 տարեկան էր։

«Նա իմ հրեշտակն էր, իմ ամուսինը, իմ լավագույն ընկերը և միշտ կմնա այդպիսին», – գրել է կինը։

Посмотреть эту публикацию в Instagram

Публикация от Sid Haig (@sidhaigsays)

Դերասանը ծնվել էր Ֆրեզնոյում, մանկությունն անցկացրել հայ համայնքում։ Հայրը` Հեյգ Մոսեսյանը, էլեկտրիկ էր։ Դերասանի կարիերան նա սկսել էր պատահաբար: Պատանեկության տարիներին Սիդ Հեյգը կոորդինացիայի հետ կապված խնդիրներ է ունեցել, ինչը ստիպել է նրան հաճախել պարի դասընթացների: Յոթ տարեկանում նա արդեն գումար է վաստակել` որպես պարող մասնակցելով Ծննդյան տոների մանկական շոուին, իսկ հետո մասնակցել է վոդևիլ-շոուներին: Նա ցուցադրել է իր երաժշտական տաղանդը` հատկապես հարվածային գործիքներ նվագելով:

Актер Сид Хейг прибывает в Spike TV Scream Awards 2006 в театре Pantages (7 октября 2006). Лос-Анджелес
© AFP 2018 / Michael Buckner
Սիդ Հեյգ

Սովորելով Ամերիկայի մի քանի թատերական դպրոցներում` տեղափոխվել է Հոլիվուդ։ Այնտեղ նկարահանվել է ավելի քան 100 ֆիլմում և սերիալում։ Ամենահայտնիները Քվենտին Տարանտինոյի «Ջեքի Բրաունը» և «Սպանել Բիլին 2», «1000 դիակի տուն», Ջորջ Լուկասի «THX 1138», «Երեքը դժոխքից», «Ոսկրե տոմահավկ», «Վտարված սատանայի կողմից» ֆիլմերն են։ Նա խաղացել է նաև «Աստղային ճանապարհ» սերիալում։

թեգերը:
Մահ, դերասան, ԱՄՆ

Գլխավոր թեմաներ