22:09 12 նոյեմբերի 2019
Ուղիղ եթեր
  • USD477.40
  • GBP612.93
  • EUR526.81
  • RUB7.46
Լորիս Ճգնավորյան

Լորիս Ճգնավորյանը կդառնա ՄԱԿ-ի խաղաղության դեսպան՝ Իրանից

© Sputnik / Р. Мангасарян
Աշխարհ
Ստանալ կարճ հղումը
57 0 0

Թեհրանում ՄԱԿ-ի ներկայացուցչության աջակցությամբ կայացել է «Աշխարհի մշակույթը» խորագրով միջոցառումը՝ նվիրված խաղաղության միջազգային օրվան:

ԵՐԵՎԱՆ, 29 սեպտեմբեր — Sputnik. Իրանահայ հայտնի երգահան և խմբավար Լորիս Ճգնավորյանը կդառնա ՄԱԿ-ի խաղաղության դեսպան՝ Իրանի կողմից: Այս մասին հայտնում է «ԻՌՆԱ» գործակալությունը:

Սեպտեմբերի 25–ին Թեհրանում ՄԱԿ-ի ներկայացուցչության աջակցությամբ կայացել է «Աշխարհի մշակույթը» խորագրով միջոցառումը՝ նվիրված խաղաղության միջազգային օրվան: Իրանում ՄԱԿ-ի տեղեկատվական կենտրոնի տնօրեն Մարիա Դոցենկոն ողջունել է Լորիս Ճգնավորյանին և միջոցառմանը ներկա մյուս մշակութային գործիչներին:

Այնուհետև Դոցենկոն ընթերցել է ՄԱԿ-ի գլխավոր քարտուղարի ուղերձը՝ խաղաղության միջազգային օրվա կապակցությամբ:

Արարողության ժամանակ գեղարվեստական և հումանիտար աշխատանքի 70-ամյա փորձ ունեցող Լորիս Ճգնավորյանին առաջարկվել է դառնալ ՄԱԿ-ի բարի կամքի դեսպան՝ Իրանի կողմից:

Լորիս Ճգնավորյանը ծնվել է Իրանում 1937 թվականին։ 1950-1954 թվականներին սովորել է Թեհրանի կոնսերվատորիայում (ջութակի բաժին), 1961-ին ավարտել Վիեննայի երաժշտական ակադեմիայի, ջութակի և կոմպոզիցիայի բաժինները, 1963-1964 թվականներին կատարելագործվել Ձալցբուրգի Մոցարտեումում և 1965-1966 թվականներին՝ Միչիգանի համալսարանում։

1975 թվականից ապրել և աշխատել է Վիեննայում, Լոնդոնում: 1978 թվականին Լոնդոնում հիմնել է Հայ երաժշտության ինստիտուտը։ Ճգնավորյանը 1989 թվականից գործունեություն է ծավալել Հայաստանում, 1989-1998 և 1999-2000 թվականներին՝ Հայաստանի ֆիլհարմոնիկ նվագախմբի գեղարվեստական ղեկավար և գլխավոր դիրիժորն է եղել:

Տոնոյան. «Իրանի հետ հարաբերությունների առումով վարչապետի ակնարկը տեղին էր»

Գրել է 5 օպերա, Ռեքվիեմ և բազմաթիվ երաժշտական ստեղծագործություններ։ 1988 թվականի Սպիտակի երկրաշարժից հետո ԱՄՆ-ից տեղափոխվել է Հայաստանև 1991 թվականին ոտքով քայլել է մինչև Գյումրի, որպեսզի երկրաշարժից ավերված քաղաքի համար դրամահավաք կազմակերպի և քաղաքում մշակութային Ակադեմիա ստեղծի։

Ըստ թեմայի

«Աշխարհի որևէ պետություն ապահովագրված չէ ահաբեկչությունից». Մնացականյանի ելույթը ՄԱԿ–ում
Սալվադորի նախագահը հենց ՄԱԿ-ի ամբիոնում սելֆի է արել և տեղադրել է թվիթերյան իր էջում
Փաշինյանն ԱՄՆ այցից շատ գոհ է. հնարավոր է՝ առաջիկայում ամերիկացի գործարարներ գան Հայաստան
թեգերը:
Դեսպան, Լորիս Ճգնավորյան, Միացյալ Ազգերի Կազմակերպություն (ՄԱԿ), Իրանի Իսլամական Հանրապետություն

Գլխավոր թեմաներ