09:48 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Презентация книги Вован и Лексус. По ком звонит телефон

Պրանկերները Թուրքիայի պաշտպանության նախարարի անունից զանգել են ԱՄՆ–ի սենատորին

© Sputnik / Евгений Одиноков
Աշխարհ
Ստանալ կարճ հղումը
70 0 0

Ամերիկյան սենատորը հավատացել է, որ հեռախոսով շփվում է Թուրքիայի պաշտպանության նախարարի հետ ու անկեղծացել կատակասեր լրագրողների հետ։

ԵՐԵՎԱՆ, 11 հոկտեմբերի — Sputnik. Ռուս հանրահայտ պրանկերներ Վլադիմիր Կուզնեցովը (Վովան) և Ալեքսեյ Ստոլյարովը (Լեքսուս) զանգել են ԱՄՆ–ի սենատոր Լինդսի Գրեմին և ներկայացել որպես Թուրքիայի պաշտպանության նախարար Հուլուսի Աքար։ Այդ մասին հաղորդում է Politico–ն։

Պարբերականի տվյալներով` պրանկերների հետ հանրապետականի զրույցի փաստը հաստատել են ԱՄՆ–ի սենատորի աշխատակազմում։

Լրագրողները հրապարակել են նաև զրույցի ձայնագրությունը, որը տեղի է ունեցել 2019թ–ի օգոստոսին։ Սովորաբար Գրեմը կոչ է անում խստացնել Թուրքիայի դեմ պատժամիջոցները Սիրիայում ռազմական գործողության պատճառով, որն ուղղված է քրդերի դեմ։ Սակայն պրանկերների հետ շփվելիս նա հակառակ տեսակետ է հայտնել։

​«Ես ասել եմ նախագահ Թրամփին, որ Օբաման լուրջ սխալ է գործել` հույսը դնելով Քրդստանի աշխատավորական կուսակցության վրա», – հայտարարել է սենատորը` մտածելով, որ զրուցում է Թուրքիայի պաշտպանության նախարարի հետ։

Նրա կարծիքով` ՔԱԿ–ը մեծ խնդիր է։ Նա նաև համոզմունք է հայտնել, որ եթե ռազմական գործողություններ սկսվեն, ԱՄՆ–ն ստիպված կլինի պաշտպանել Անկարային «Սիրիայում առկա այդ սպառնալիքից»։

Երկխոսության ընթացքում Գրեմը խնդրել է «Աքարին» Ռուսաստանից չգնել զենիթային հրթիռային համակարգեր։

Հիշեցնենք` ավելի վաղ պրանկերները Նիկոլ Փաշինյանի անունից զանգել էին Մոգերինիին և ստիպել, որ նա անկեղծանա։

Հոկտեմբերի 9-ին Թուրքիայի բանակը հարվածներ էր հասցրել Սիրիայի հյուսիս–արևելքում գտնվող Էլ Հասակե գավառին, մասնավորապես` «Մանսուրա» ամբարտակին և Ռաս էլ Այն քաղաքին։Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։

ՀՀ ԱԳՆ–ն և վարչապետ Փաշինյանը հոկտեմբերի 10-ին հայտարարել են, որ Հայաստանը դատապարտում է Թուրքիայի ռազմական ներխուժումը Սիրիա, որը կհանգեցնի տարածաշրջանային անվտանգության վատթարացման, քաղաքացիական բնակչության շրջանում մարդկային կորուստների, տեղահանվածների մեծ հոսքի և մարդասիրական նոր ճգնաժամի։

Ըստ թեմայի

Սիրիահայությունը չի ցանկանում դատարկել երկիրը. ռմբակոծվող շրջաններում 500 հայ ընտանիք կա
Մելքոնյան. «Սիրիայում թուրքական զինուժի ներխուժումից հետո իրավիճակը խիստ վտանգավոր է»
Պեսկով. Էլթոն Ջոնը սկզբում կասկածել է, որ զրուցում է Պուտինի հետ
Փորձագետ․ Թրամփի զանգը պետք է զգաստացնի հայ նախարարին
Նիկոլ Փաշինյանն ի՞նչ է մտածում պրանկերներ Լեքսուսի ու Վովանի մասին
թեգերը:
հեռախոսազրույց, ԱՄՆ, Թուրքիա

Գլխավոր թեմաներ