21:46 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Ռեջեփ Թայիփ Էրդողան. արխիվային լուսանկար

Էրդողանը հայտարարել է սիրիական Ռաս էլ Այն քաղաքը գրավելու և Թել Աբյադը շրջափակելու մասին

© Photo : UN Photo/Cia Pak
Աշխարհ
Ստանալ կարճ հղումը
173 0 0

Թուրքական զինուժի գործողությունների ընթացքում վերահսկողություն է սահմանվել Ռաս էլ Այն քաղաքում, ինչպես նաև շրջափակման մեջ է առնվել Թել Աբյադը:

ԵՐԵՎԱՆ, 13 հոկտեմբերի - Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ Սիրիայի քրդական զորամիավորումների կողմից թուրքական սահմանամերձ քաղաքների ուղղությամբ իրականացված գնդակոծման հետևանքով 18 խաղաղ բնակիչ է զոհվել, 147-ը՝ վիրավորվել: 

««Խաղաղության աղբյուրի» գործողության ընթացքում վնասազերծված ահաբեկիչների ընդհանուր թիվը 490 է, որից սպանվել է 440-ը: Թուրքիայի սահմանամերձ գյուղերը Սիրիայից ականանետերով ռմբակոծվել են 652 անգամ: Մեր քաղաքներում ահաբեկիչների կողմից հրետակոծության ժամանակ զոհվել է 18, վիրավորվել` 147  խաղաղ բնակիչ», - ասել է Էրդողանը NTV- ի եթերում:

Ըստ Թուրքիայի նախագահի` ռազմական գործողության ընթացքում սպանվել է երկու թուրք զինվոր և «Սիրիայի ազգային բանակի» 16 մարտիկ:

Էրդողանը ևս մեկ անգամ նշել է, որ թուրքական ռազմարշավի նպատակը Սիրիայի տարածքում՝ Թուրքիայի հետ սահմանին, 30-35 կմ երկարությամբ անվտանգության գոտու ստեղծումն է:

Միևնույն ժամանակ, Էրդողանը հրաժարվել է հետևել արևմտյան առաջնորդների կոչերին և բանակցություններ սկսել Քրդստանի աշխատավորական կուսակցության հետ, որի դեմ նա իրականացնում է ռազմական գործողություն:

Ըստ նրա, թուրքական բանակը կարող է մի քանի օրից Սիրիայում ավարտել գործողությունները:

Երգչուհի Շերի գրառումը. «Թուրքիայի զինվորները դեռ արյուն են տենչում»

«Ռազմական գործողությունը հետաձգվում է այն պատճառով, որ մենք ձգտում ենք խուսափել խաղաղ բնակիչների շրջանում մարդկային զոհերից: Թուրքական բանակը աշխատում է առավելագույն խնամքով», - հավելել է Թուրքիայի նախագահը:

Հիշեցնենք` հոկտեմբերի 9-ին Թուրքիայի բանակը հարվածներ էր հասցրել Սիրիայի հյուսիս–արևելքում գտնվող Էլ Հասակե գավառին, մասնավորապես` «Մանսուրա» ամբարտակին և Ռաս էլ Այն քաղաքին։ Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։

Թուրքական բանակը հարվածներ է հասցրել Սիրիայի հյուսիս–արևելքի «Մանսուրա» ամբարտակին

Սիրիայի իշխանությունները բազմիցս դատապարտել են Սիրիայի հյուսիսում Թուրքիայի գրավյալ քաղաքականությունը: Ռուսաստանը հայտարարել է, որ Թուրքիան պետք է խուսափի այնպիսի գործողություններից, որոնք արգելք կդառնան 2011 թվականից շարունակվող սիրիական հակամարտության կարգավորման ճանապարհին:

Ըստ թեմայի

Հայ դիվանագետներն արտակարգ ռեժիմով են աշխատում Սիրիայում
Սիրիահայությունը չի ցանկանում դատարկել երկիրը. ռմբակոծվող շրջաններում 500 հայ ընտանիք կա
Հայաստանը դատապարտում է Սիրիայի հյուսիս-արևելքում Թուրքիայի ռազմական ներխուժումը
Մելքոնյան. «Սիրիայում թուրքական զինուժի ներխուժումից հետո իրավիճակը խիստ վտանգավոր է»
թեգերը:
Թուրքիա, Սիրիա, Ռեջեփ Թայիփ Էրդողան

Գլխավոր թեմաներ