23:48 12 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Ամերիկացի զինվորականներ

Պենտագոնը խոստովանել է, որ ԱՄՆ–ի զորքը թակարդն է ընկել Սիրիայում

© Sputnik / Alexander Imedashvili
Աշխարհ
Ստանալ կարճ հղումը
115 0 0

Ամերիկյան զորքը բավարար է, որ հրետանու և ավիացիայի աջակցությամբ զսպի թուրքական զորքի առաջխաղացումը, բայց ԱՄՆ–ն մտադիր չի եղել հանուն քրդերի պատերազմել Թուրքիայի` ՆԱՏՕ–ում իր դաշնակցի դեմ։ Այդ մասին հայտարարել է Պենտագոնի ղեկավարը։

ԵՐԵՎԱՆ, 14 հոկտեմբերի — Sputnik. ԱՄՆ–ի զորքերը Սիրիայի հյուսիսում հայտնվել են թուրքական և սիրիական բանակների որոգայթում։ Fox News հեռուստաալիքի եթերում այդ մասին հայտարարել է Պենտագոնի ղեկավար Մարկ Էսպերը։

«Սիրիայի դեմոկրատական ուժերը գործարքի են գնացել Սիրիայի և Ռուսաստանի կառավարությունների հետ, և հիմա ԱՄՆ–ն թակարդի մեջ է հյուսիս շարժվող սիրիական բանակի և հարավ գնացող թուրքական բանակի միջև», – ասել է նա։

Նա նաև հայտարարել է, որ երկրում ամերիկյան զորքերը բավական շատ են, որպեսզի հրետանու և ավիացիայի աջակցությամբ զսպեն թուրքական զորքերի առաջխաղացումը, սակայն ԱՄՆ–ն մտադիր չէ հանուն քրդերի պատերազմել Թուրքիայի` ՆԱՏՕ–ում իր դաշնակցի դեմ։

Հոկտեմբերի 13–ին հայտնի դարձավ, որ Ռուսաստանը պաշտոնական Դամասկոսի ներկայացուցիչներին և քրդերին նստեցրել է բանակցությունների սեղանի շուրջ։ Հանդիպումը տեղի է ունեցել «Հմեյմիմ» ռուսական ռազմաբազայի տարածքում այն բանից հետո, երբ սիրիական բանակը ուժերն ուղղել է հյուսիս։

Հիշեցնենք` հոկտեմբերի 9-ին Թուրքիայի բանակը հարվածներ էր հասցրել Սիրիայի հյուսիս–արևելքում գտնվող Էլ Հասակե գավառին, մասնավորապես` «Մանսուրա» ամբարտակին և Ռաս էլ Այն քաղաքին։

Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։

Սիրիական բանակը մտել է Տաբկա քաղաք, որը նախկինում վերահսկում էին քրդերը

Թուրքիան ահաբեկիչների շարքն է դասում Սիրիայի քրդական «Դեմոկրատական միության» (PYD) և YPG–ի ներկայացուցիչներին։ Նրանք վերահսկում են Սիրիայի հյուսիսում գտնվող շրջանները, նրանց ավանդաբար աջակցել է ԱՄՆ–ն։

Պատմությունը կրկնվում է. Նաիրա Զոհրաբյանը վերհիշել է էրդողանի սառը հայացքը

Ըստ թեմայի

Հայերին տարհանել են Սիրիայի Թել Աբյադից. անհրաժեշտության դեպքում նրանց կտեղափոխեն Հայաստան
Հայաստանը Սիրիայի հայերի անվտանգությունն ապահովելու հնարավոր տարբերակներ է քննարկում
Հայաստանը կանգնած է Սիրիայի հայերի կողքին. Զարեհ Սինանյանի հայտարարությունը
Էրդողանը հայտարարել է սիրիական Ռաս էլ Այն քաղաքը գրավելու և Թել Աբյադը շրջափակելու մասին
թեգերը:
Թուրքիա, ԱՄՆ, Սիրիա

Գլխավոր թեմաներ