12:29 14 նոյեմբերի 2019
Ուղիղ եթեր
  • USD477.46
  • GBP613.63
  • EUR526.02
  • RUB7.42
Սիրիա

«Դա հրաշք է». քրդերը հայերի և չեչենների հետ փրկվել են թուրքամետ զինյալների ձեռքից

© AP Photo / SANA via AP
Աշխարհ
Ստանալ կարճ հղումը
239220

Սիրիայի հյուսիսում քրդական ուժերի և թուրքամետ զինյալների միջև բախումը շարունակվում է, հաղորդումներ են ստացվում դրանցում տեղի հայերի մասնակցության վերաբերյալ։

ԵՐԵՎԱՆ, 15 հոկտեմբերի – Sputnik. «Սիրիայի դեմոկրատական ուժեր» (SDF) քրդական խմբավորման կողմնակիցները հայտնում են հայերի մասնակցությամբ թուրքամետ զինյալներից Թուրքիայի հետ սահմանակից Ռաս ալ–Այն քաղաքի ազատագրման մասին։

«Դա հրաշք է։ SDF–ի մի խումբ (տեղի հայեր, չեչեններ, արաբներ, քրդեր և այլն) մարտիկներ հենց նոր հաղթանակ տարավ ՆԱՏՕ–ի զինվորականների նկատմամբ, որոնց աջակցում էին Ալ Քայդեի և ԻԼԻՊ–ի (արգելված է մի շարք երկրներում) «նախկին» ջիհադականները, որոնք պատրաստ էին էթնիկ զտումներ անցկացնել Սերեկանյեում (Ռաս ալ-Այնում)։ Ընդամենը մեկ փոքր մարտ, սակայն որքան ուրախալի է»,–հայտնում է Twitter–ում SDF–ի կողմնակիցների աղբյուրներց մեկը։

Բնակավայրն ազատագրելու մասին տեղեկությունը հաստատում են նաև այլ քրդական ռեսուրսներ։ Տեղի որոշ լրագրողներ հայտնում են այն մասին, որ մարտերը քաղաքի մուտքի մոտ շարունակվում են։

Նշենք, որ Սիրիայի հյուսիսում բնակվում է շուրջ 3000 հայ, մեծ մասը` Կամիշլիում։ Այսօր այդ շրջաններում բախումներ չկան։

Պենտագոնը խոստովանել է, որ ԱՄՆ–ի զորքը թակարդն է ընկել Սիրիայում

Հիշեցնենք` հոկտեմբերի 9-ին Թուրքիայի բանակը հարվածներ էր հասցրել Սիրիայի հյուսիս–արևելքում գտնվող Էլ Հասակե գավառին, մասնավորապես` «Մանսուրա» ամբարտակին և Ռաս էլ–Այն քաղաքին։

Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։

Թուրքիան ահաբեկիչների շարքն է դասում Սիրիայի քրդական «Ժողովրդավարական միության» (PYD) և YPG–ի ներկայացուցիչներին, որոնց ավանդաբար աջակցել է ԱՄՆ–ն։ Նրանց վերահսկողության տակ են գտնվում Սիրիայի հյուսիսում գտնվող շրջանները։

Էրդողանը հայտարարել է սիրիական Ռաս էլ Այն քաղաքը գրավելու և Թել Աբյադը շրջափակելու մասին

Թուրքիայի սկսած ռազմական գործողություններից 2 օր առաջ ԱՄՆ նախագահ Դոնալդ Թրամփը հայտարարել էր, որ Միացյալ նահանգները քրդերին չի աջակցի վնասելով իրեն, և զորքը դուրս կբերի Սիրիայից։

ԱՄՆ–ի աջակցությունը վայելող «Սիրիայի ժողովրդավարական ուժեր» (SDF) քրդական ապստամբական խմբավորման զինյալները դա «մեջքին հասցված հարված» էին որակել։

Ըստ թեմայի

Սիրիայում գտնվող գրոհայիններն իրական սպառնալիք են ԱՊՀ երկրների համար. Պուտին
Հայաստանը սիրիահայերին ընդունելու հետ կապված որևէ սահմանափակում չունի. Գրիգորյան
Քրդերը Սիրիայում թուրքական 7 տանկ և 75 զինվոր են ոչնչացրել
Սիրիական բանակը մտել է Տաբկա քաղաք, որը նախկինում վերահսկում էին քրդերը
Սիրիական բանակը մտել է երկրի հյուսիսում գտնվող Թել Թամր գյուղ
Պետրոսյան. «Անկարան ուզում է քաղաքական լուրջ դերակատարում ունենալ Սիրիայի հյուսիսում»
թեգերը:
Թուրք, Թուրքիա, հայ, Սիրիա

Գլխավոր թեմաներ