18:19 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Կամիշլի

«Գազան են, այլ կերպ չես ասի». Կամիշլիում հրաժեշտ տվեցին սպանված հայ քահանային. տեսանյութ

© Sputnik / Валерий Мельников
Աշխարհ
Ստանալ կարճ հղումը
85 0 0

Համացանցի օգտատերերը լուսանկարներ ու տեսանյութեր են հրապարակել հրաժեշտի արարողությունից։ Նրանք դատապարտում են ահաբեկիչներին ու ցավակցում են հայերին։

ԵՐԵՎԱՆ, 12 նոյեմբերի — Sputnik. Սիրիայի Կամիշլիում տեղի ունեցավ Սիրիայի Հայ Կաթողիկե համայնքի հովվապետ Տեր Հովսեփ քահանա Պետոյանի հետ հրաժեշտի արարողությունը։ Նրան գնդակահարել էին «Իսլամական պետություն» կազմակերպության (արգելված է մի շարք երկրներում) ահաբեկիչները։

Համացանցում հայտնվել են հրաժեշտի արարողության լուսանկարներն ու տեսանյութերը։ Twitter–ի օգտատերերը ցավակցում են ու գրում, որ կրոնը չպետք է սպանության պատճառ դառնա։

​Համացանցի օգտատերերը հրապարակել են նաև մի տեսանյութ, որտեղ երևում է` ինչպես է մարդկանց բազմությունը հրաժեշտ տալիս հովվապետին ռազմերթի ու զանգերի ղողանջների ներքո։  Վրդովված օգտատերերը մեկնաբանություններ են գրում ու դատապարտում են ահաբեկիչների գործողությունները. «Թող Աստված օգնի հավատք գտնել», «ինչպե՞ս կարելի է այդքան վայրենի լինել», «գազաններ են, այլ կերպ չես ասի», «Աստված լուսավորի հովվապետի ոգին»։

Հիշեցնենք` նոյեմբերի 11–ին Սիրիայում ահաբեկիչները սպանել են Կամիշլիի Հայ Կաթողիկե համայնքի հովվապետ Տեր Հովսեփ քահանա Պետոյանին ու նրա հորը` Հաննա Պետոյանին։ Նրանք անձնական մեքենայով ուղևորվելիս են եղել Դեր Զոր` կաթողիկե եկեղեցու վիճակը պարզելու համար։ Ահաբեկիչները կրակ են բացել մեքենայի ուղղությամբ:

«Իսլամական պետություն» ահաբեկչական կազմակերպությունը (արգելված է մի շարք երկրներում- խմբ.) ստանձնել է Սիրիայի հյուսիս-արևելքում հայ կաթոլիկ քահանայի և նրա հոր սպանության պատասխանատվությունը:

ՀՀ ԱԳՆ–ն խստորեն դատապարտում է Դեր Զորում կատարված ահաբեկչությունը

Ըստ թեմայի

ԱՄՆ–ն ցանկանում է կտրել Սիրիայի մի մասը. Լավրով
Հայ բժիշկը Սիրիայում փրկել է ծննդկանի ու նորածնի կյանքը
Ահաբեկչություն Դամասկոսում. կան զոհեր և տուժածներ
թեգերը:
հոգևոր հովիվ, տեսանյութ, Մահ, Կամիշլի, Սիրիա

Գլխավոր թեմաներ